Shokët Shokët rebelohen rebelohen me me Pol Pol Pogbanë Pogbanë
Kolegët mendojnë se klubi është më mirë që të pranojë ta shesë mesfushorin francez
Futbollistët e Mançester Junajtid duan që Pol Pogba të largohet nga "Old Trafford" këtë verë për të mirën e klubit. Mesfushori francez duket i vendosur që të transferohet nga "djajtë" 3 vite pas rikthimit të tij për 89 milionë sterlina nga Juventusi. Kampioni i botës pranoi javën e shkuar se ai po mendon të nisë një sfidë të re. Reali i Madridit dhe Juventusi janë klubet e interesuara për shërbimet e 26-vjeçarit, për të cilin "djajtë" thotë se nuk është në shitje. Në Torino ka nisur puna për rikthimin II të francezit, por dëshira më e madhe e lojtarit është që ai të luajë për Zinedin Zida
nin. Ai e ka shprehur se është një ëndërr që një ditë të luajë për të në "Bernabeu". Pogba mbetet një figurë e rëndësishme në dhomat e zhveshjes, por "The Sun" raporton se shokët e tij duan që ai të largohet nga skuadra e tyre, pasi kanë frikë se
historia e së ardhmes së tij mund të komprometojë përgatitjet e sezonit të skuadrës. Megjithatë, administratori i klubit, Eduard Uduard, është i vendosur për të mos e humbur për herë të dytë një prej lojtarëve më të mirë të klubit. Futbollisti pritet të jetë në avionin e skuadrës për të nisur fazën përgatitore, pavarësisht se menaxheri Mino Raiola po punon për t'ia plotësuar dëshirën klientit të tij, për ta larguar nga "Old Trafford". Por Junajtid këmbëngul se futbollisti nuk është në shitje dhe nëse ai dëshiron të largohet, klubi i interesuar duhet të firmosë një çek prej 150 milionë paundësh. Pogba do të marrë pjesë në turin në Australi, Kinë dhe Singapor, mes lajmeve për të ardhmen e tij që do ta shoqërojnë edhe në kontinentet e largëta.