Provokon Solomon: Golin e parë ia shënoj Kukësit
"Më pëlqen Shqipëria dhe Ronaldo. Titulli, i yni"
Theofilus Solomon i ka idetë e qarta. E di që te Partizani e kanë marrë për të bërë golat, ndaj nuk ngurron që t'i premtojë ata. Ndonëse kundër Karabakut shpërdoroi një rast që mund t'i kualifikonte më tej në Champions, me paraqitjen që bëri me Sherif Tirsapolin në Ligën e Europës shleu gjithçka. Edhe pse nuk shënoi, ishte pa dyshim protagonist në golin e Jasir Asanit. Një aksion model i nisur prej tij dhe i finalizuar më së miri prej sulmuesit anësor. Por, me rrugëtimin në Europë që është mbyllur zyrtarisht, tashmë vëmendja e të kuqve është e gjitha te sezoni i ri dhe Superkupa, e cila është programuar për t'u luajtur më 18 gusht në "Elbasan Arena". Edhe pse nigeriani nuk ka ende informacion për axhendën e kësaj finaleje, nuk ngurron që të "ndezë" tifozët me përgjigjet e tij në "InstaStory". Provokon hapur Kukësin dhe premton se titulli kampion do të mbetet i kryeqytetasve edhe këtë vit. Gazeta është munduar që të përzgjedhë disa nga pyetjet më interesante të personave që e ndjekin në "Instagram" numrin "9" të Partizanit. I pëlqen të jetojë në kryeqytet, ndërsa kur i duhet të zgjedhë mes Mesit dhe Ronaldos apo Piatek dhe Susos, vendimin nuk e ka aspak të vështirë.
JA DISA NGA PYETET QË KA MARRË SOLOMON NË "INSTASTORY": Ku Në Shqipëri. je aktualisht? Të pëlqen të jetosh në Shqipëri?
Sigurisht! Qytet i lezetshëm. Mund të ma japësh një fanellë?
Patjetër. Kur do ta shënosh golin e parë me Partizanin?
Shumë shpejt. Mundësisht kundër Kukësit. A do të jetë Partizani kampion sërish?
Po. E sigurt. Në cilin stadium do të luhet Superkupa?
Në të vërtetë, nuk e di. Sa gola mendon që do të shënosh gjatë kampionatit?
Nuk e di, koha do ta tregojë. Mesi apo Rondalo?
Ronaldo. Të pëlqejnë Ultras Guerrils?
Po, gjithmonë. Piontek apo Suso? Piontek.