Junajtid, sulm final për Eriksenin

“Spërsat” ulën çmimin, ofertë “in extremis” për danezin në vitin final të kontratës

Mançester Junajtid po merr parasy sh bërjen e një oferte në orët e fundit të merkatos për Kristian Eriksenin e Totenhemit. Sipas “Sky Sports”, klubi i “djajve” do tentojë të transferojë mesfushorin danez, i cili është në vitin e fundit të kontratës me Spërsat, pavarësisht largimit apo jo të Pol Pogbasë këtë verë. 28vjeçari shikohet si pasardhësi i Ander Herrerës në “Old Trafford”. Presidenti Daniel Levi kërkonte 130 milionë paund për kartonin e fantazistit të tij në fillim të merkatos, por duke ndierë rrezikun se mund ta humbasë me parametër zero verën e ardhshme, i ka përgjysmuar pretendimet. Dhe tani Mançester Junajtid është gati të ofrojë gjysmën e kësaj shifre. Totenhemi ka qenë në diskutime me Realin e Madridit, por Zinedin Zidan preferon Pogbanë përpara Eriksenit, i cili nuk e ka shprehur dëshirën për të provuar një eksperiencë të re. Gjithsesi, gjigantët spanjollë e kanë kanalizuar interesin e tyre më shumë drejt Doni van de Bekut të Ajaksit gjatë ditëve të fundit. Dy ditë më parë, “DailyMail” zbulonte se nënkampionët e Europës ishin të gatshëm që të pranonin edhe një ofertë deri në 50 milionë paund për Eriksenin.

FERNADEZ-LO SELSO Totenhemi ka arritur akordin personal me mesfushorin e Sportingut të Lisbonës, Bruno Fernandez, por për portugezin ka bërë një ofertë prej 56 milionë paundësh gjatë këtyre orëve, e cila është refuzuar. Sportingu i ka

bërë me dije se nuk e shet yllin 24-vjeçar për më pak se 64.5 milionë sterlina. Ndërkohë që londinezët vijojnë bisedimet edhe me mesfushorin argjentinas të Real Betisit, Xhovani Lo Selso. 15 milionë sterlina janë ato që ndajnë dy klubet nga arritja e marrëveshjes.

Betisi kërkon 65 milionë paund, ndërkohë që oferta e deritanishme e anglezëve nuk i ka kaluar 50 milionët. Poçetino duhet të nxitojë, sepse merkato në Angli mbyllet ditën e nesërme në orën 17:00 me orën e tyre.