Goditja e madhe, Lukaku është i Interit
"Djajtë" e përcjellin sulmuesin me 400 mijë paund gjobë, sot priten vizitat në Milano
Ishte e gjatë, në mo mente të caktuara sh teruese, por në fund negociatat që do të sillnin Lukakun tek Interi u zhbllokuan, duke sjellë atë "po"-në e shumëpritur prej shumë javësh nga Mançester Junajtid. Romelu Lukaku do të jetë shumë shpejt një futbollist i Interit, pas bisedimeve intensive dhe pengesave pa fund, të cilat u formalizuan dje në Londër me ofertën e fundit 65 milionë eurove plus 10 milionë bonuset, të cilat do të paguhen me dy këste. Në Angli japin shifra të tjera: 72 milionë sterlina në total (60+12 bonuset) që në total janë 80 milionë euro, duke iu afruar shifrës fillestare të kërkuar nga "djajtë", 83.5 milionë euro. Pas refuzimit fillestar të Junajtid, Interi u detyra të bëjë ofertën e tretë dhe klubi anglez tregoi disponueshmëri për të rinegociuar. Dhe pas kontakteve frenetike pasditen e së mërkurës, palët shtrënguan duart me një akord verbal. Me futbollistin është arritur prej kohësh marrëveshja për një kontratë 5-vjeçare, nga e cila ai do të fitojë rreth 9 milionë euro në sezon. 26-vjeçari luajti fort ditët e fundit, duke qëndruar në Bruksel dhe u stërvitur me Anderlehtin derisa çështja e së ardhmes së tij të zgjidhej përfundimisht, ndërkohë që në fazën përgatitore të Junajtid nuk luajti asnjë minutë. Rebelimi i tij pritet t'i kushtojë edhe gjobën me rrogën e dy javëve në "Old Trafford", 400 mijë sterlina. DERBI ME JUVEN - Lukaku tek Interi është tashmë një "telenovelë" e mbyllur. Përfundon kështu me një fund të lumtur pas shumë serish intensive këto javët e fundit. Prej kohësh, Interi kishte zgjedhur sulmuesin belg dhe negocionte me Mançester Junajtid. Pastaj erdhi përfshirja surprizë e Juventusit në bisedime dhe u mendua se nxori jashtë loje Marotën dhe Auzilion. Paratiçi u ofroi shkëmbimin me Dibalën "djajve të kuq", një propozim, i cili u pranua me kënaqësi nga anglezët, por u refuzua nga argjentinasi dhe më pas askush nuk këmbënguli më, sepse "djajtë" u tërhoqën. Ky ishte momenti që zikaltrit u rikthyen në avantazh dhe këtë herë sulmi i tyre final ishte i suksesshëm. Lukaku shumë shpejt do të prezantohet si një futbollist i ri i Interit. Interesimi për të, i pakonkretizuar prej muajsh, la peng edhe të ardhmen e Ikardit. Mes fjalëve të Vandës dhe vullnetit të Lukakut për të pasur një përballje direkte me klubin, mes ofertave të Interit dhe futjes në moment
et e fundit të Juves, bisedimet që sollën transferimin e belgut me ngjyrat zikaltër lundruan mes një deti të trazuar. Por nuk ishte një mister. Vetë belgu e kishte parashikuar me frazën profetike "po, do të kem një verë të trazuar", të cilën e tha me krenari përpara telekamerave në fund të ndeshjes me Belgjikës së tij dhe Skocisë në qershor. Gjërat më pas u komplikuan, me kërkesat e larta financiare të Junajtid në raport me atë që ofronte Interi dhe me futjen e Juventusit që ishte gati të hidhte gjithçka në erë. Por tani është çështje orësh. Lojtari pritet për vizitat nga çasti në çast në Milano dhe pastaj do të jetë zyrtarisht një lojtar i Interit.