Lukaku përqafon Konten: Është më i miri në botë
Njeh me detaje Serinë A: Antonio është më i miri në botë
Interi i heq numrin nëntë Mauro Ikardit dhe ia dorëzon sulmuesit të ri Romelu Lukaku. Një vendim i zyrtarizuar në rrjetet sociale nga klubi zikaltër. Në mënyrë simbolike ishte zgjedhur data 9 gusht dhe ora 09: 00 e mëngjesit për të treguar se belgu do të mbajë fanellën me numrin 9 për sezonin e ardhshëm, fanellë që për vite me radhë e kishte mbajtur ishkapiteni Mauro Ikardi. Një tjetër veprim që tregon se argjentinasi është jashtë planeve dhe po injorohet në mënyrë totale. Në sajtin zyrtar gjithashtu i është hequr numri nëntë, por fotoja e tij vazhdon të jetë prezente.
VLERËSON KONTENDitën e djeshme, 26-vjeçari tha edhe fjalët e para për televizionin zyrtar, ku vlerësonte Antonio Konten dhe shpjegonte arsyen pse zgjodhi të luante për Interin. Pas përqafimeve të ngrohta me trajnerin italian, ai e ka konsideruar atë si më të mirin në botë. “Sigurisht që Konte kishte një peshë të madhe në vendimin tim për të zgjedhur Interin. Ai është trajneri më i mirë në botë dhe arrin t’i përmirësojë lojtarët e tij. Karriera e tij flet vetë”, tha fillimisht sulmuesi belg. Më tej tregon se projekti i Interit e ka bindur. “Mendoj se kjo skuadër po ecën në drejtimin e duhur dhe unë gjithashtu kisha nevojë për një sfidë të re. Dua që ta ndihmoj këtë skuadër për të ndërtuar diçka të rëndësishme dhe bazat janë për ta bërë këtë. Do të jap kontributin tim dhe impenjimi im do të jetë maksimal. Sigurisht që duke i mbajtur këmbët në tokë mund të arrijmë rezultate të mëdha që në këtë sezon”, theksoi Lukaku. Gjiganti zikaltër falënderoi edhe presidentin Zhang dhe administratorin Marota që e ndihmuan për të nisur këtë aventurë të re. “Jam shumë i lumtur që ndodhem këtu tek Interi. Administratori Marota dhe presidenti Zhang ishin këmbëngulës dhe unë jam këtu. Tifozët? Dua t’u them edhe një herë tjetër se Interi nuk është për të gjithë. Forca Inter”, ishin fjalët e para të Lukakut për “Inter Channel”.
ADRIANO IDHULLNuk i munguan kurrë batutat gjatë ditës së tij të parë si interist. Romelu Lukaku dukej sikur kishte një jetë në këtë skuadër dhe bisedonte me të gjithë. Vetë menaxherët e mediave “online” kanë
dashur të publikojnë disa nga “sekretet” e Lukakut. Ai duket i buzëqeshur kur vesh fanellën dhe thotë se i rri bukur. Diçka që shkakton të qeshura tek ata që ishin prezentë. Pastaj vazhdon të tregojë historinë me idhullin e fëmijërisë. “E dini se cila ka
qenë fanella ime e parë kur isha fëmijë? Ajo e Adrianos. Ai ka qenë idhulli im dhe doja ta imitoja gjithmonë. Doja të bëhesha si ai. Më ka shkruar disa ditë më përpara në ‘Instagram’ dhe më përshëndeti sepse kishte lexuar një intervistë ku unë e vlerësoja”, tregon
26-vjeçari.
NJEH ITALINË- Sulmuesi më i ri i Interit i ka surprizuar të gjithë në ditën e parë. Arsyeja? Ishte shumë i informuar për futbollin italian dhe mbi të gjitha për Serinë A. Sigurisht që ai do ta ketë ndjekur për shkak se vëllai i tij, Xhordan,
aktivizohet si mbrojtës me Lacion. Në darkën që pati me presidentin Zhang dhe drejtuesit e tjerë të skuadrës, këta të fundit u habitën për informacionet që kishte Lukaku. Ai duket gati për këtë sfidë të re dhe i karikuar për të ndihmuar Interin që të rikthehet në majat
e futbollit italian. Më në fund Antonio Konte e ka në skuadër sulmuesin që ka ëndërruar prej kohësh. Të shohim se çfarë do të arrijë të bëjë me belgun në majën e sulmit të Interit. Tifozët e kanë pritur si një hero dhe ai duhet që t’i shndërrojë këto pritshmëri në rezultate.