Mesi thyen Ronaldon, fiton golin më të bukur të vitit

Goli më i bukur i sezonit 20182019 sipas UEFA-s është ai i Lionel Mesit. Lexuesit kanë zgjedhur goditjen spektakolare të kampionit katalanas në gjysmëfinalen e parë kundër Liverpulit, e cila u fitua 4- 1. Në vendin e dytë është zgjedhur goli i Kristiano ROnaldos në sfidën Juventus- Mançester Junajtid 1- 2 në fazën e grupeve, ndërsa podiumin e mbyll goli i Danilos në ndeshjen PortugaliSerbi ( 1- 1) për kualifikueset e Europianit. Kapiteni i Barcelonës ka arritur të thyejë rivalin të përjetshëm me golin spektakolar në portën e Alisonit. Ky çmim ka nisur të jepet që nga viti 2013 dhe në “librin e artë” ka vend edhe për Kristiano Ronaldon. Një vit më parë, portugezi fitoi për golin magjik me roveshatë në portën e Juventusit, ndërsa në vitin 2017 lexuesit ia kishin dhënë çmimin një tjetër juventini. Mario Manxukiç e fitoi për golin që i shënoi Realit në finalen e Kardifit, perlë e cila ishte doli pa vlerë. Pak a shumë si ajo e Mesit kundër Liverpulit, pasi këta të fundit e përmbysën në gjysmëfinalen e dytë. Barcelona mori një goditje të rëndë në gjysmëfinale dhe nuk arriti që të bënte realitet ëndrrën për ta rikthyer kupën veshgjatë në “Camp Nou”. Leo Mesi sigurisht që do të donte ta ndryshonte këtë çmim simbolik me Champions-in, por kjo

është e pamundur. Ai shpreson që këtë vit të ketë fatin ta fitojë këtë trofe dhe përpara fillimit të sezonit dhe në prezantimin e skuadrës në trofeun “Gamper” tha se Barcelona i ka të gjitha mundësitë për të luftuar në të gjitha frontet dhe për të bërë një sezon fantastik.