Tirana Tirana Tirana “shtrydhet” “shtrydhet” “shtrydhet” me me Bylisin, Bylisin, Mema: Mema: S’mund të të vuajmë vuajmë kaq kaq shumë
PIKANTE/ Ahmataj i i vëzhgon, vëzhgon, Ngo Ngo idhull idhull nga... nga... stoli stoli
Asjon Daja i jep fi toren Tiranës në miqësoren me Bylisin. Në testin gjeneral të tyre, bardheblutë nuk shkëlqejnë. Presioni i tepërt dhe forca e kundërshtarit bëjnë që ekipi i Ardian Memës të dalë fitimtar vetëm pas golit në minutën e parë të shtesës së lojës. Eksperimentet dhe dy formacionet me Dungën e Ngonë nuk bëjnë ndonjë gjë të madhe, ndërsa heronjtë e takimit janë dy veteranët Ilion Lika dhe Isli Hidi që kyçën portën. Më shumë se kënaqësia e fitores, Tirana duhet të shqetësohet për lojën që nuk është fluide dhe futbollistët që nuk janë në formë, ndërsa nga ana tjetër, Bylisi sërish tregoi forcën dhe vetëm pasi largoi disa nga titullarët, lëshoi terren që të pësonte gol.
PJESA E PARË
- Tirana vendos të luajë pa kapitenin Karabeci që ende nuk është në formë për shkak të dëmtimit dhe me Dungën e Halilin titullarë. Nga ana tjetër, Bylisi vjen me një skuadër ndryshe nga ajo që u prezantua në sfidën e parë me Tiranën. Bardheblutë surprizohen nga presingu i Bylisit, ndërsa në minutën e 10-të Qardaku tenton të shënojë me një goditje nga jashtë zone, por sfera kalon mbi traun e portës. Loja nuk është e qartë dhe Tirana nuk lidhet dot, ndërsa rasti i parë për bardheblutë vjen në minutën e 18-të, pas një kombinimi Dunga-Hasani, me shkodranin që godet keq, ndërsa Hidi është i vëmendshëm dhe i mohon golin lojtarit bardheblu. Një minutë më vonë, goditje diagonale e Qardakut fluturimthi, me mjeshtëri reagon Lika që grushton dhe e çon sferën në fundore. Bylisi merr kontrollin e mesfushës dhe Imami bën mrekullinë, teksa bllokon Guindonë, që del para Likës dhe godet, por këmba e mbrojtësit devijon topin. Në minutën e 25-të, Antoni godet me kokë pas një goditjeje këndi, Lika shpëton portën e tij nga goli me një grushtim. 11 minuta më vonë, Dunga i jep një asist Hasanit, shkodrani del vetëm me portierin, por Hidi nxjerr dorën dhe bën mrekullinë, duke shpëtuar portën e tij.
PJESA E DYTË
- Mema e kupton që nuk është dita e Tiranës e diçka nuk funksionon dhe fut Ngonë e Çelhakën. Ama rasti i parë i kësaj pjese regjistrohet në minutën e 59të, me një supergjuajtje të Kalesë nga jashtë zone. Reagim perfekt i Isli Hidit që grushton topin mbi traun e portës. Gjashtë minuta më vonë Ndreca vë në provë menjëherë Bakajn, me një predhë nga goditja e dënimit, por portieri kryeqytetas bën të pamundurën dhe nxjerr topin
jashtë. Menjëherë kundërsulm i Tiranës, topi shkon te Kaleja që kalon Turabovin, godet, por Hidi ngjitet mbi katedër dhe shpëton rezultatin. Mema lëviz gjithë stolin dhe e fut në fushë. Minuta e 72-të, Ngo i jep një pas Hoxhallarit që godet menjëherë, por Hidi ia del të shpëtojë sërish portën. Dhe kur të gjithë mendonin se ndeshja do të mbyllej barazim, mendon Asion Daja në minutën e 91-të. Ngo jep një top mjaft të bukur për Kobinën, i cili depërton bukur nga e djathta, kalon Ndrecën dhe jep një asist në zonë për Dajën, i cili nuk fal, duke gjetur rrugën e rrjetës me një gjuajtje të menjëhershme. Tirana fiton 1-0, por nuk duhet të gëzohet shumë. Akoma nuk është gati...