Tirana, shqetësojnë Dunga dhe Hoxhallari
Mbrojtësi qëndroi në pankinë gjatë gjithë stërvitjes së djeshme
Tirana ka shqetësime para ndeshjes me Luftëtarin. Kur duhen edhe disa ditë nga nisja e sezonit, Tirana ka probleme në krahun e majtë. Marsel Ismajlgeci ka probleme me rrëzat e kofshëve dhe kjo e ndaloi të luante në miqësoren me Bylisin dhe nuk është stërvitur rregullisht këto ditë. Dje ka munguar në stërvitje Erjon Hoxhallari. Futbollisti ishte në "Skënder Halili", por nuk u stërvitet rregullisht. Para disa ditësh ka kaluar një formë alergjie që nuk po e lë rehat, por që zor se do ta provojë nga të qenit titullar në fushën e lojës kundër Luftëtarit. Nëse vazhdohet kështu, Tirana është pa mbrojtës të majtë. Në këto kushte do të duhet ndërhyrja e Kristi Vangjelit që mund të luajë direkt në këtë pozicion.
Dunga - Një tjetër futbollist që nuk u stërvit rregullisht dje ishte Ismael Dunga. Edhe pse ishte me grupin një pjesë të stërvitjes, sërish sulmuesi nuk u stërvit plotësisht. Gjatë gjithë pjesës së tretë të përgatitjeve ai vrapoi pas portës ku luanin shokët e skuadrës. Shenjë kjo që sulmuesi vazh
don të ketë probleme dhe nuk dihet nëse rrezikon për ndeshjen ndaj gjirokastritëve, ose ish-skuadrës së tij.
Ngo - Sulmuesi tjetër i skuadrës, Majkëll Ngo është stërvitur rregullisht me ekipin edhe pse kishte bërë një gjilpërë në kavilje dhe qëndroi
një ditë pushim. Pas stërvitjes së djeshme, lojtari ka marrë më shumë ngarkesë se të tjerët, i drejtuar nga përgatitësi atletik, Kosta Jani. Para kohe nga stërvitja e djeshme është larguar edhe Eni Imami.
Afrimet - Tirana ka punuar shumë për të afruar tepër
futbollistë këtë verë. Nga porta deri në sulm, skuadra ka marrë lojtarë me emër dhe të rinj, duke filluar nga Bakaj, Qirko, Osmani, Vangjeli, Batha, Torasa, Kale, Dunga. Po kështu ka rinovuar Ngo dhe Imami si dhe shumë lojtarë të tjerë janë në formë
optimale. Te Tirana shpresohet që këtë vit të jetë sezoni i tyre me skuadrën që duhet të fitojë titullin kampion. Sezonin e shkuar ekipi bardheblu arriti të grumbullonte 47 pikë. Skuadra nuk shkoi më shumë se vendi i shtatë, duke u konsideruar një sezon i
dështuar. Ndërkaq, Tirana është në kërkim të dy lojtarëve "big" për të mbyllur përfundimisht merkaton dhe dëshirat e Ardian Memës. Bardheblutë shumë shpejt do të mbyllin marrëveshjen dhe do të prezantojnë dy lojtarët e fundit të merkatos.