Maldini: Asnjë risi për Korrea-A.Silva, prioritet shitjet

Drejtori teknik i kuqezinjve komenton merkaton e klubit

"Dy mbrojtës janë pranë largimit. Për Korrean nuk ka asnjë risi". Një ditë jo pak e rëndësishme ajo e djeshmja për Milanin, ku gjatë një konference për shtyp u prezantuan plot 3 blerje: mbrojtësi Leo Duarte dhe sulmuesit Izmael Benaser e Rafael Leao. I pranishëm edhe drejtori teknik i klubit, Paolo Maldini, i cili ka gjetur rastin për të komentuar merkaton e kuqezinjve. "Seksioni veror është ende i hapur, sepse mungojnë ende dy javë, - saktësoi ishmbrojtësi, prej pak kohësh në rolin e drejtuesit, - por prioriteti ynë aktualisht deri në fund të merkatos janë shitjet".

KORREA - Në frontin "Angel Korrea", sulmuesi i Atletikos së Madridit, qëndrimi nuk ka ndryshuar. Milani i ka ofruar klubit spanjoll 40 milionë euro plus bonuse, jo të mjaftueshëm për iberikët që kërkojnë 55 milionë në total për ta lënë të lirë argjentinasin. Nuk ka shërbyer për asgjë misioni i menaxherit të lojtarit, Augustin Himenez, për të kërkuar të ulë pretendimet e "colchoneros", të cilët me paratë që do të arkëtonin nga 24-vjeçari do të synonin Rodrigon e Valencias.

ANDRE SILVA - "Ndërsa negociatat me Sevijen për Andre Silvën momentalisht janë të ndalura", ka përfunduar Maldini. Ky i fundit, i rikthyer në Milano pas një sezoni i huazuar te Sevija, nuk po arrin të gjejë një sistemim. Nuk është mundur të arrihet një akord as me Monakon. Klubi i fundit që ka trokitur në zyrat e "Djallit" ka qenë Sportingu i Lisbonës që e kërkoi në huazim. "Jo" e prerë e krerëve kuqezinj, të cilët duan të arkëtojnë një "thesar" të dobishëm për të shpenzuar në merkato.