Penalltitë, Ture turpëron Pogbanë, francezi përfundon te më të dobëtit

Klasifikimi i ekzekutuesve më të mirë të 11-metërshave

Jaja Ture është ekzekutuesi më i mirë i penalltive në historinë e Premier Ligës. Ish-mesfushori i Mançester Sitit i dërgoi në rrjetë të 11-ta goditjet nga 11 metrat në 8 vitet e karrierës së tij në Premier Ligë. Por, nëse rekordi i tij është perfekt, është dikush tjetër që befason me saktësinë e tij përpara portierit. Ai është legjenda e Sauthemptonit, Met Le Tisier. Ikona e "shenjtorëve" ka shënuar 25 penallti nga 26 (96.2%). Gjatë karrierës së tij, "Le God" humbi vetëm 1 penallti nga 49. Sekreti? "Unë e dërgoj gjithnjë në cep. Prandaj, edhe kur portieri gjen krahun, topi është mjaftueshëm i fortë sa për ta mposhtur atë", tha Le Tisier. Portieri i Notingem Forestit, Mark Kroslej, është njeriu që e prishi rekordin perfekt të Le Tisierit. Ai i priti penalltinë në sezonin e parë të Premier Ligës. Një rekord të ngjashëm ka edhe ishylli i Fulhamit, Liverpulit, Çarltonit dhe Totenhemit, Deni Mërfi. Ai shënoi 18 nga 19 penalltitë (94.7%). Të vetmen goditje që ai humbi, e riktheu në rrjetë pas pritjes së portierit në fitoren 32 të "Cottagers" ndaj Sitit në 2008. Xhejms Biti shënoi 16 nga 17 penallti gjatë kohës së tij te Blekbërni, Sauthemptoni, Evertoni, Stoku dhe Blekpulli (94.1%). Mbrojtësi Julian Diks e kaloi pjesën më të madhe të karrierës së tij tek Uest Hemi dhe një periudhë të shkurtër te Liverpuli. Ai shënoi 15 nga 16 penalltitë (93.8%). Ky klasifikim

vlen për futbollistët që kanë goditur të paktën 10 penallti. Suksesi i Turesë dhe Le Tisierit nxjerr në pah problemet e Pol Pogbasë nga këto goditje standarde. Ylli i Junajtidit humbi penalltinë e katërt gjatë vitit të fundit ndaj Uolvesit mbrëmjen e së hënës, duke mos i ndihmuar "djajtë" të fitonin në "Molineux" (1-1).