“Samba” “Samba” Vllaznia, Skënderbeu Skënderbeu lë lë pa frymë frymë Flamurtarin
Vlonjatët shtangen kur menduan se morën 1 pikë
Skënderbeu e nis me fitore sezonin e ri fu tbollistik, duke mundur Flamurtarin në fushën e vet me rezultatin 1-0, falë një goli në kohën shtesë të shënuar nga Nazmi Gripshi. Një ndeshje e dominuar krejtësisht nga Skënderbeu, që pavarësisht se diktoi lojën për shumë minuta me radhë, e kishte të vështirë finalizimin. Ndeshje e cila pritej të ishte delikate për korçarët dhe e tillë rezultoi. Gjithsesi, goli në fund çliroi vendësit dhe rriti optimizmin në ekip, teksa shumë gjëra mbeten ende për t'u përmirësuar. Në anën tjetër, Flamurtari i riformatuar dhe pa shumë stërvitje e kishte të vështirë të bënte oponencë, teksa në pjesën më të madhe të lojës mbrohej me forca të shumta dhe kërkonte të godiste me raste sporadike duke përdorur kundërsulmin.
PJESA E PARË
Ndeshja nisi menjëherë me Skënderbeun që u vu në zotërimin e topit dhe mori gjysmëfushën e kundërshtarit duke imponuar lojën e vet. Por, për të parë manovrën e vërtetë të ndeshjes duhej të pritej minuta e 13-të dhe u takoi miqve, të cilët zbresin në një kundërsulm dhe për pak sa korçarët nuk shënojnë autogol me një mosmarrëveshje mes portierit dhe mbrojtësit Turtulli. Ky rast zgjoi disi Skënderbeun, që mundohet të reagojë menjëherë me Ditën, por goditja e tij nuk ka saktësinë e duhur. Flamurtari tregoi se ka në fushë edhe Vatnikajn që për pak sa nuk ndëshkoi Skënderbeun pas një goditjeje me kokë nga brenda zonës. Korçarët kërkojnë pambarimisht golin e zhbllokimit të ndeshjes, por dy tentativat e Bregut brenda pesë minutash nuk kanë rezultatin e duhur.
PJESA E DYTË
Fraksioni i dytë i lojës nis me një Skënderbe më aktiv dhe kërkues. Oto Xhon zë vendin e Dajës që del i dëmtuar nga fusha, ndërsa Muzaka spostohet në krahun e djathtë të mbrojtjes. Me këtë lëvizje Skënderbeu fiton gjerësi në fushë dhe mundohet të shfrytëzojë më mirë krahët, duke u mbështetur edhe në dy pika të forta në ajër, që janë Krasniqi dhe Xhon. Kjo, duke parë që Flamurtari është shumë i ngjeshur në brendësi të fushës. Pikërisht sinjali i parë jepet nga Pëllumbi, që depërtoi nga e majta dhe goditi, por pa shënjestrën e duhur. Korçarët vijojnë të shtyjnë përpara, teksa përballë kanë një ekip që minutë pas minute bie fizikisht dhe nuk ka forcën e duhur për të reaguar. Muzaka vijon të mbështesë Gripshin, duke e nxjerrë në një pozicion të favorshëm, por megjithëse i vetëm përballë Moçkës, sulmuesi bën më të vështirën, duke e çuar topin jashtë. Korçarët kërkojnë me çdo kusht golin, por është Flamurtari që në minutat e fundit për pak sa i ndëshkon. Nebiaj hyn deri në brendësi të zonës së Skënderbeut, por e humbet kohën në finalizim, topi shkon te Muçollari që godet saktë, por Koliçi bën mrekulli, duke shpëtuar golin e sigurt. Kur kuqezinjtë po numëronin minutat dhe po mendonin një pikë të marrë në Korçë, vjen ndëshkimi nga Skënderbeu. Gripshi merr një pasim nga Dita në hyrje të zonës dhe pa u menduar dy herë godet fort. Topi përplaset para duarve të Moçkës, duke e nxjerrë jashtë loje portierin vlonjat dhe përfundon në rrjetë. 1-0 për Skënderbeun dhe tani të gjithë mund të festojnë. Korçarët marrin frymë lirisht dhe me përfundimin e ndeshjes kanë të drejtë të gëzohen. Flamurtari kthehet pa pikë në Vlorë dhe do t'i duhet shumë punë për të kapur ritmin e sezonit.