Reali ngec në ‘Bernabeu’, gjëmën ia bën... Guardiola
Benzema "gënjeu" tifozët me golin e minutës së 82-të
Reali i Madridit, i parë në javën e parë, duket se ishte thjesht një mirazh, teksa fitonte bindshëm, edhe pse me 10 futbollistë, në transfertë me Selta Vigon. Kjo, sepse dje, në "Bernabeu", bën një frenim të shëmtuar, duke barazuar 1-1 me Vajadolidin, pavarësisht një ndeshjeje të mbushur me goditje dhe momente pozitive. Avantazhi i ardhur në minutën e 82-të me Karim Benzemanë, u sfumua shtatë minuta më vonë nga Serxho Guardiola. Një mbiemër i rëndë, një rival i përjetshëm në Madrid, por në rastine autorit të golit, ai nuk ka asnjë lidhje familjare me trajnerin e Mançester Sitit. Ishte thjesht një rastësi e hidhur dhe kaq, por që ngre menjëherë tensionin në shtëpinë "merenege".
DYSHE "E PADËSHIRUAR"
- Bejl konfirmohet titullar, Hamesi kthehet nga minuta e parë në "Bernabeu" pas gati tri vitesh, zgjedhje këto që janë pa dyshim të detyruara nga dëmtimi i Hazardit, por edhe nga skualifikimi i Modriçit. Shkurt, Zidan e pa veten të detyruar që të rreshtojë pikërisht dy futbollistët që kërkoi në mënyrë shumë të hapur që t'i largojë me çdo kusht nga skuadra e tij. Zgjedhja e francezit ishte disi e çuditshme, duke qenë se si Bejl ashtu edhe Hames janë dy mëngjerashë, por që të dy u urdhërua që të luanin djathtas, edhe pse bënë gjëra mjaft pozitive.
- MUNGON SHËNJESTRA
Reali luan mjaft mirë, madje shkëlqen në pjesën e parë, pasi ndërton lojë dhe me një Isko shumë të frymëzuar i shkon shumë shpesh pranë avantazhit, por pavarësisht 13 goditjeve në kuadrat, në rrjetë përfundojnë zero topa, ndaj pjesa e parë përfundon 0-0. Në fraksioin e dytë, Zidan ndërron
Vinicius me Hamesin, ndërsa pak më vonë Isko i lë vendin Joviçit, me serbin që tregohet menjëherë i rrezikshëm, por i pafat, sepse foditja e tij përplaset në traversë. Gjithsesi, ai që nuk i gabon rastet flagrante është Karim Benzema, i cili vendos që t'i thotë "stop"
vërshëllimave që nisën të dëgjoheshin në stadium. Francezi, në minutën e 82-të, lëshon një të djathtë perfkte në portën e Vajadolidit dhe makthi i rasteve të shpërdoruara, u duk sikur i erdhi fundi. Por akoma më keq, kur të gjithë mendonin se ndeshja kishte përfunduar,
Serxhi Guardiola, e mbyll një kundërsulm të Valadolidit, duke dërguar topin poshtë këmbëve të portierit Kurtua, i cili mjafton për t'i dhënë skuadrës së presidentit Ronaldo de Lima (Fenomenit brazilian, ish-yll i Realit), atë pikë që ka shijen e fitores.