Lerda: Lerda: Duam Duam sërish sërish titullin titullin kampion kampion
"Ka kundërshtarë me kualitete, por në fund diferencën e bën sjellja jonë"
Partizani ka bërë një nisje të sezonit iden tik si ai i kaluari dhe Franko Lerda shpreson që të vazhdojë të shkojë në gjurmën e paraardhësit të tij te të kuqtë, Skënder Gega, me të cilin Partizani fitoi titullin kampion. Në konferencën e djeshme për shtyp para sfidës me Flamurtarin, italiani mohoi se në grup ka probleme, duke mos e pranuar se mes Telushit dhe Melos ka pasur grindje. Ndonëse nuk e ka pranuar publikisht, para seancës së djeshme trajneri italian ka biseduar veçmas me dy lojtarët para stërvitjes. Mes Telushit dhe Melos duket se është stabilizuar gjithçka dhe pritet që të dy të jenë në fushë ditën e sotme ndaj Flamurtarit. Me sa duket, këto probleme janë sqaruar pikërisht nga trajneri Franko Lerda. Ndërkohë që para seancës stërvitore të gjithë lojtarët kishin dalë në fushë për të startuar stërvitjen, mungonin Telushi, Melo dhe Lerda. Pikërisht këta dolën të fundit nga dhomat e zhveshjes, me Telushin që i paraprinte, më pas Melo dhe më pas trajneri. Me sa duket, italiani ka pasur për t'u thënë diçka vetëm për vetëm lojtarëve, ndaj edhe kanë dalë të tre më vonë se të tjerët nga dhomat e zhveshjes.
E keni nisur kampionatin si paraardhësi juaj, Gega. Shpresoni të përsërisni sezonin e tij?
Eh… të shpresojmë. Ky është objektivi ynë. E kemi të qartë që është një sezon ndryshe, një kampionat ndryshe, lojtarë të ndryshëm si te Par
tizani dhe skuadrat e tjera, me formacionet që kanë ndryshuar. Themi që dy rezultatet që kemi marrë nuk mund të jenë indikativë për vazhdimin e kampionatit.
Ndeshja e parë në shtëpi kundrejt një kundërshtari në vështirësi për momentin. Çfarë prisni?
Ne duhet të mendojmë për atë që po bëjmë ne dhe projektin me idenë tonë, duke treguar respekt maksimal për çdo kundërshtar. Ka kundërshtarë me kualitete, të tjerë
më pak, por ajo që bën diferencën është sjellja jonë. Ndaj, ne duhet t'i respektojmë të gjithë dhe të mendojmë se çfarë do të bëjmë ne dhe t'i bëjmë gjithnjë sa më mirë.
E keni krijuar idenë për rivalët tuaj këtë kampionat?
Jo, e thashë edhe në intervistën e kaluar për një koleg tuajin. Është shumë shpejt dhe nuk e kam një ide. Duhet të presim të paktën nëntë ndeshje, xhiron e parë.
Pse ka kaq tension në skuadër duke marrë parasysh atë që ka ndodhur midis Telushit dhe Melos. Do luajë braziliani apo do merret masë?
Jo, unë nuk e di se çfarë kanë shkruar gazetat, sepse nuk di të lexoj. Nuk lexoj asgjë… Për mua nuk ka ndodhur asgjë, nuk kam parë
asgjë dhe nuk e di se kujt i referoheni. Nuk e di se kujt i janë referuar, por nëse e kanë bërë, gabojnë.
Kur do ta shohim Partizanin një uragan, ashtu siç janë tifozët në stadium?
Unë nuk e di se çfarë kupton me këtë. Unë shoh që skuadra po përmirësohet, rritet, luan një futboll të mirë, komandon lojën. Marrin pjesë të gjithë, nga portieri te qendërsulmuesi, ndaj për mua janë në rrugën e duhur, por nuk e di se çfarë kuptoni ju me Partizanin uragan.