Zidan mban në ankth tifozët: Prisni 2 “bomba” nga merkatoja
Trajneri i Realit i bën presion Belgjikës
Zinedin Zidan premton se deri në orët e fundit të merkatos Reali i Madridit mund të lëshojë një bombë ose dy. Në prag të ndeshjes me Vijarealin, numri një i "galaktikëve" thotë se raporti mes tij dhe Perezit është i shkëlqyer.
- "Do ta luajmë si një ndeshje të rëndësishme të sezonit. E dimë që është fillimi i sezonit dhe pikët janë shumë të rëndësishme në këto momente. Do të kërkojmë të bëjmë një ndeshje të mirë. Këtë javë kemi punuar mirë dhe duam që këtë gjë ta tregojmë në fushën e lojës".
"Situata është që ai do të jetë me ne deri më dy shtator. Mund të ndodhë gjithçka, por ai është pjesë e Realit. Kemi një ndeshje të rëndësishme dhe jam i përqendruar vetëm këtu. Asgjë më shumë".
"Sigurisht që është skuadra që dua. Jam shumë krenar dhe i kënaqur me futbollistët që kam në dispozicion. Në fund të fundit, për mua janë më të mirët. Deri në ditën e fundit të merkatos mund të ndryshojnë shumë gjëra, ndoshta deri në 2 shtator nuk do të kem këtë skuadër. Të gjithë trajnerët do të donin të stërvitnin Realin e Madridit, por ja që këtë fat e kam
unë".
"Vendimet në fushën e lojës i marr vetëm unë. Raporti me Florentinon ka qenë gjithmonë i mirë. Ai më solli këtu dhe këtë nuk do t'ia harroj kurrë. Secili mund t'i interpretojë gjërat ashtu siç do. Raporti im me atë është shumë i mirë".
HAZARD -
"Mund të udhëtojë me ekipin, por Hazard e di shumë mirë që nuk mund të luajë. Ne e dimë dhe duhet ta mësojë edhe trajneri i Belgjikës".
DËMTIMET
- "Sigurisht që nuk më pëlqen t'i shoh lojtarët e dëmtuar. Janë gjëra që u ndodhin të gjitha skuadrave. Përgatitësit, mjekët dhe të tjerët po punojnë që gjithçka të shkojë mirë në të ardhmen. Shpresoj që të rikthehen sa më shpejt të gjithë lojtarët".
- Deri në orët e fundit të merkatos mund të ketë ndonjë bombë ose ndoshta dy, por e rëndësishme është ndeshja për momentin".