Junajtid, kriza në sulm tërbon Solskjaerin

Mata: Duhet t'i "vrasim" ndeshjet, nuk na lejohen më hapa falsë

Ole Gunar Solskjaer është shumë i irri tuar me sulmuesit e tij, Markus Rashford dhe Antoni Marsial. Kjo, pasi dy sulmuesit kanë shënuar shumë pak gola në ndeshjet e para të kampionatit. Junajtid u ndal në barazim 1-1 në fundjavë ndaj Sauthemptonit pasi nuk arriti të shfrytëzonte siç duhet rastet e krijuara. Trajneri norvegjez duke se nuk është aspak i kënaqur me momentin negativ që po kalojnë sulmuesit e tij që duket se kanë humbur nuhatjen. Me Marsialin të dëmtuar, anglezi Rashford nuk arriti të shënonte emrin në listën e golashënuesve. Sipas mediave angleze, trajneri është detyruar të zhvillojë një stërvitje të posaçme për të rritur perfomancën e sulmuesve përpara portës. Kujtojmë që Mançester Junajtid largoi dy sulmuesit e saj më të mirë te skuadra e Interit, Romelu Lukaku dhe Aleksis Sançez. I pari u ble përfundimisht nga zikaltrit dhe deri tani ka shënuar 2 gola në dy ndeshje me italianët, duke u konfirmuar një vrasës përpara portës. Sançez do të luajë një sezon në formë huazimi me të drejtë blerjeje nga Interi. Në ndeshjen e fundit ndaj Kaljarit në transfertë, kiliani qëndroi në pankinë, duke mos u aktivizuar, pasi kishte vetëm 48 orë që kishte mbërritur në Milano dhe trajneri Antonio Konte u shpreh se ai nuk është ende gati. Tifozët e Junajtidit gjithashtu kanë reaguar me komente kundër drejtuesve të klubit, pasi këta të fundit jo vetëm që larguan dy sulmues,

por nuk arritën të transferonin asnjë të tillë, duke shpresuar te lojtarët e talentuar të akademisë. Sipas tyre, skuadra do ta ketë të vështirë të kualifikohet në Champions për sezonin e ardhshëm. Solskjaer ka pasur një takim me Edvudin, drejtorin teknik të anglezëve, ku i ka

kërkuar një përforcim në merkaton e dimrit ku, sipas trajnerit, është edhe pika më e dobët e skuadrës.

MATA JEP ZGJIDHJEN

Mesfushori spanjoll, Huan Mata, u shpreh se skuadra duhet të tregohet më cinike dhe të mbyllë takimet sa më shpejt.

"Barazimi në ndeshjen e fundit ishte shumë zhgënjyes. Edhe pse zhvilluam një ndeshje të mirë, nuk arritëm të dilnim me tri pikë nga fusha e lojës. Duhet t'i 'vrasim' ndeshjet dhe të mos i lejojmë kundërshtarit të na vërë në vështirësi", u shpreh spanjolli.