5 fitore radhazi, Italia rikthehet në vitet e arta
Italia e Roberto Mançinit ringjall kujtimet e viteve të arta të kësaj kombëtareje, e cila vërtet nuk mund t’i afrohet me emra asaj që fitoi Botërorin 2006, por të gjesh pesë fitore radhazi në 5 ndeshjet e para eliminatore për një turne ndërkombëtar duhet të kthehemi në vitin 2007, saktësisht në atë grup lojtarësh që riktheu Kupën e Botës në Gadishullin Apenin, pas çerek shekulli, siç nënvizojnë edhe statistikat më poshtë:
* Ishte që prej shkurtit të vitit 2008, nën drejtimin e Roberto Donadonit, që Italia nuk fitonte 6 ndeshje radhazi (duke përfshirë eliminatore dhe miqësore). * Italia barazoi dje rekordin e sukseseve radhazi në një edicion të vetëm të eliminatoreve të një Europiani: pesë, siç patën regjistruar në vitet 2007 dhe 2011. * Me Armeninë ishte ndeshja e dytë radhazi që “axurrët” fituan me përmbysje, pas suksesit 21 me Bosnjë-Hercegovinën në qershor.
* Tre gola në dy transfertat e fundit (pas Armenisë, e kishin bërë këtë gjë edhe me Greqinë, në qershor) ishte diçka që nuk shihej nga italianët prej 10 ndeshjesh.
* Ashtu si në dy precedentët e tjerë ndaj Armenisë, edhe dje Italia jo vetëm pësoi, por edhe shënoi. Madje, edhe në ndeshjen e vitit 2013 u regjistrua i njëjti rezultat në Jerevan, 3-1 për të kaltrit.
* Lorenco Pelegrini është golashënuesi i 16-të i ndryshëm i epokës “Mançini”. Për mesfushorin ofensiv të Romës ishte goli i parë në kombëtare.
* Beloti dhe Pelegrini ishin respektivisht golashënuesi i nëntë dhe i dhjetë i ndryshëm vetëm i këtyre 5 ndeshjeve eliminatore të “Euro 2020”.
* Titullarët e djeshëm të Roberto Mançinit kishin një moshë mesatare prej 25 vitesh e 210 ditësh, më e reja gjatë këtyre eliminatoreve.