Goleadë e Tiranës, akuza te Vllaznia

Trajneri i bardhebluve paralajmëron lëvizje në formacion

Tirana fiton thellë dhe me përmbysje miqësoren me Besëlidhjen. Pa gjysmën e titullarëve në fushë, skuadra bardheblu mundi 5-2 ekipin lezhjan të Elvis Plorit në një ndeshje pa shumë histori për sa i përket rezultatit, edhe pse ishin ...

Ardian Memës i mungon një ndeshje e fortë. Pas fitores me Besëlidhjen pranon se nuk do të kishte dashur që kampionati të ndalej. Deklaron se pas eksperimentit të dyshes Ngo-Dunga mund të bëjë ndryshime të tjera në ekip. Ja intervista me Ardian Memën.

Tentuat një 4-4-2 në miqësoren me Besëlidhjen? Ndeshjet miqësore për këtë punë janë, që të provosh edhe mënyra loje të tjera, përpos kësaj, edhe si shkojnë çiftet në reparte të ndryshme. Megjithatë, diçka fituam, nuk e them se çfarë, por do të jetë pjesë e vazhdimësisë sonë, se mund të kemi ndryshime edhe si pozicione, varet si sistem loje, se do të kemi ndryshime nga një javë në tjetrën.

Shumë mungesa në skuadër me Dokën, Hasanin dhe Osmanin...

Doka kishte një sebep dhe i kam dhënë leje që dy ditë më parë, Osmani ishte i lodhur dhe Hasani kishte një shqetësim në pulpë, menduam të ruanim lojtarët, se na duhen për kampionat dhe gjykova të mos luanim sot (dje). Ju ka bërë mirë ky pushim? Më shumë kemi parë veten tonë, se të jep kohë dyjavëshi i kombëtares për të parë veten dhe ecurinë si seanca stërvitore. Të them të drejtën, më mungon një ndeshje këtë javë, se patëm ritëm të mirë sa u përket fitoreve dhe me shqetësoi disi, por besoj se do ta kapim përsëri ritmin që kishim.

Përballeni me Skënderbeun që mbetet i bezdisshëm... Unë them që çdo ekip, kur i shohim ndeshjet, kanë të mirat dhe të këqijat e veta. Por, çdo ekip në Shqipëri, po të jetë këmbëngulës, sidomos me Tiranën, janë të gjithë këmbëngulës dhe e tregojnë veten, na nxjerrin probleme. Nuk është e lehtë në këtë lloj futbolli të fitosh ndeshjet rehat, të shohim, javët do të tregojnë rezultatet e Tiranës.

Do të luani gjashtë derbi, gjithmonë si projektim? Varet se si do të jetë ecuria, më shumë i kemi mëshuar kampionatit dhe pastaj varet se kush është kundërshtari në Kupë. Do të bëjmë çdo gjë për të fituar ndeshjen, qoftë edhe kundër Partizanit.