Bitri: Partizani për fitore në Laç, skema e re na jep shanse
Mbrojtësi e shikon pozitive ndërprerjen e kampionatit "Bilali shton konkurrencën, efekti 'B' thjesht rastësi"
Eneo Bitri pa dyshim mund të konsidero het si një bast i fituar nga trajneri Franko Lerda, pasi italiani i besoi mbrojtësit beratas që në fillim të aventurës në Kupat e Europës. 23vjeçari konsiderohet si një nga prioritetet e Lerdës në mbrojtje me skemën e re 3-5-2. Në një prononcim për "RTSH Sport", Bitri u shpreh se ndërprerja e kampionatit për shkak të angazhimeve të ekipeve kombëtare do t'u vijë në ndihmë, që të përgatiten më mirë, duke mos pasur ngarkesën e fillimit. "Pauza e ardhur nga ndeshjet e kombëtareve na shërben, sepse na jep kohë që të përgatitemi më mirë, pasi dihet se kalendari ka qenë i ngjeshur, ku kemi luajtur katër ndeshje në rreth dy javë. Ngarkesa ka qenë e madhe, tani kemi një plus, që të përgatitemi më mirë", u shpreh fillimisht qendërmbrojtësi i të kuqve të kryeqytetit.
AFRIMI I BILALIT - Në limitet e merkatos Partizani afroi edhe një qendërmbrojtës tjetër, Amir Bilali, që për koençidencë shton efektin "B" në repartin difensiv. Me ardhjen e 25-vjeçarit nga Gostivari shkon në katër numri i mbrojtësve që u nis mbiemri me shkronjën B,
pikërisht Belica, Bitri, Boldor dhe Bilali. Në lidhje me këtë afrim dhe efektin "B" Bitri u shpreh: "Rritja e konkurrencës i bën mirë ekipit, pasi shtohen kualitetet. Mendoj se afrimi i Bilalit është një gjë pozitive. Sa i parketet efektit 'B' mendoj se është një rastësi,
nuk ka shpjegim tjetër".
SKEMA E RE - Bitri mendon se moduli i ri që po përdor ekipi, 3-5-2, do të jetë shumë produktiv. "Kjo skemë do vërtet pak kohë, por ne po ia marrim dorën gradualisht dhe besoj se do t'ia arrijmë qëllimit të trajnerit. Do të bëjmë akoma më
mirë me 3-5-2-shin sesa me 43-3, pasi prodhojmë më shumë raste. Besoj se edhe goli do të vijë. Do të vijë në mënyrën e duhur dhe do të arrijmë prioritetin e trajnerit duke qenë vigjilentë te kjo skemë", vijoi mbrojtësi beratas.
TRANSFERTA E LAÇIT
- Pas pushimit Partizani do të jetë mysafir i Laçit dhe, sipas Bitrit, ekipi do të shkojë vetëm për fitore. "Laçi është vërtet një ekip i fortë brenda fushës, por ne do të shkojmë me objektivin tri pikët. Kështu që, duhet të bëjmë maksimumin për të marrë trepikëshin në këtë takim. Normal që Partizani është një emër i madh dhe kudo që vete, pritet ndryshe nga ekipet e tjera. Kështu që, ndryshimi ynë është që të japim maksimumin në fushë me ekipet e tjera", përfundoi mbrojtësi i kampionëve në fuqi, Eneo Bitri.