Miqësore vëllazërore, Bylisi dhe Ferizaj ndahen në barazim

Rekordi i ballshiotëve, tri ndeshje testuese brenda javës

Bylisi mbetet një nga skuadrat më aktive në këtë periudhë pauze të kampionatit, pasi brenda kësaj jave ballshiotët kanë zhvilluar tri miqësore. Pas humbjes me Egnatian dhe fitores me Apoloninë, dje mallakastriotët kanë zhvilluar një miqësore vëllazërore me skuadrën kosovare të Ferizajt. Ky takim është mbyllur në barazim 1-1, ku pjesa e parë u fitua nga kosovarët me golin e Shalës, ndërsa në të dytën vendasit barazuan me Miçel.

- Bylisi dhe Ferizaj e kanë nisur testin miqësor me 11-shet e tyre më të mira. Duke qenë miqësore, trajneri Dovedan aktivizoi nga minuta e parë argjentinasin Celis, ndërsa edhe Goxha pas dëmtimit po shkon drejt formës më të mirë. Nga ana tjetër, ekipi mik u duk solid në mbrojtje, ndërsa luante shpejt në sulm dhe me aksione të rrjedhshme.

Madje, në pjesën e parë miqtë shënojnë falë lojtarit të tyre Shala, që në merkaton e verës u pjesë e skuadrës së Ferizajt. Ishte minuta e 40-të kur miqtë kaluan në avantazh. Pavarësisht përpjekjeve, skuadra ballshiote nuk arriti të shënonte, ndërsa pjesa e parë u

mbyll në avantazhin e skuadrës mike nga Kosova, Ferizaj.

- Ndeshja rinis me zëvendësime të shumta në radhët e të dyja skuadrave. Bylisi gjen rrugën e rrjetës në minutën e 54t me anë të Miçelit, sulmuesi nga Kameruni që ka çuar shifrat në 11. Bylisi ka bërë diferencën në këtë pjesë falë kualiteteve që ka në përbërje, madje në këtë 45minutësh vendasit kanë qenë të pafat në finalizimin e aksioneve sulmuese. Ka pasur edhe disa raste nga lojtarët vendës, ndërsa trajnerët kanë aktivizuar të gjithë lojtarët që kanë pasur në dispozicion. Sfida ka përfunduar në barazim 1-1, ndërsa në fund ka pasur shtrëngim duarsh mes dy ekipeve, por edhe një kafe miqësie nga ana e klubit ballshiot dhe presidenti Besnik Kapllanaj në nder të vëllezërve nga Kosova.