Milito: Interi do të bëjë sërish tripletë

Prestige arriti të kualifikohej në gjysmëfinale të Champions-it në minifutboll, duke përfaqësuar denjësisht Shqipërinë në një kompeticion ndërkombëtar. Por, për fat të keq, sjellja e Shoqatës së Minifutbollit në Shqipëri dhe mbi të gjitha e presidentit të saj, Ervin Bytyçi, ka lënë shumë për të dëshiruar. Është e paimagjinueshme që një president shoqate, jo vetëm të mos shoqërojë ekipin në kompeticionin më të rëndësishëm për klube, siç është Champions-i, por të mos kujtohet as për një urim kortezie ndaj një skuadre që po bën histori në minifutboll. Ervin Bytyçi, me një xhelozi të pashpjegueshme, nuk ka qenë fare i pranishëm në Rimini, ku kampionia e Shqipërisë, Prestige, arriti një kualifikim historik. Mësohet se Bytyçi gjatë gjithë këtyre ditëve nuk ka shfaqur asnjë interesim dhe nuk ka pasur asnjë kontakt me stafin e kampionëve të Shqipërisë. Paturpësisht, ai as nuk i ka uruar ndonjëherë për gjithçka kanë arritur këtë edicion në Rimini. Nëse ekipet e tjera kanë pasur mbështetjen maksimale të shoqatave respektive dhe janë përfaqësuar në nivel delegacionesh edhe me kryetarët e tyre, presidenti i Shoqatës Shqiptare të Minifutbollit nuk e ka parë të arsyeshme ta bëjë një gjë të tillë. Ndërkohë, Prestige ka marrë komplimente nga shumë shoqata të tjera të minifutbollit, por jo nga shoqata shqiptare dhe presidenti i saj. Sjellje mediokre, që nuk bën gjë tjetër veçse tregon edhe një herë xhelozinë e njerëzve të vegjël, të cilët i gëzohen një posti për një periudhë të caktuar, por pa vizion dhe pa dëshirën për të inkurajuar ata që vërtet ecin përpara.