Realdo Realdo Fili: Fili: Gati Gati të të bëj bëj liderin liderin
3 gola në 4 ndeshje, sulmuesi: E kam kërkuar vetë përgjegjësinë “Më shumë vlerë kanë pikët, por më pëlqen vëmendja. E vështirë me 3 trajnerë”
Realdo Fili është “heroi” i Luftëtarit. Dy gola të shënuar prej tij dhe gjirokastritët morën të parën fitore në këtë kampionat. Fieraku është më shumë se i lumtur për formën që po kalon, aq sa e pranon se po e shijon faktin që të gjithë “sytë” janë mbi të tani. Gjatë intervistave të dhëna pas ndeshjes për “SuperSport” dhe “Panorama Sport”, 23vjeçari rrëfen emocionet e këtij shpërthimi.
Në një Luftëtar me shumë djem të rinj, përgjegjësia bie mbi ju dhe sot (dje) u përgjigjët me dy gola që sollën fitoren e parë...
Është një përgjegjësi që e kam kërkuar vetë. Kur drejtuesit më bënë ofertën për të qëndruar, e pranova me shumë kënaqësi. Jam i lumtur që po kontribuoj. Edhe për performancën individuale, paçka se më shumë rëndësi kanë pikët e marra.
Sa besoni te kjo skuadër? Jemi një ekip me djem të rinj, që u duhet kohë për t’u përshtatur. Ne që kemi më shumë
eksperiencë, ndonëse jemi vetë të rinj, mundohemi t’i ndihmojmë. Ne jemi këtu për të marrë maksimumin. Stërvitemi mirë, kushtet janë të mira. Shpresojmë që të marrim maksimumin.
Keni ndërruar 3 trajnerë në pak më tepër se një muaj.
E vështirë?
Ndryshimi i trajnerëve është i vështirë. Duhet kohë që lojtarët të kuptojnë idetë e trajnerëve. Të rinjtë kanë dëshirë për të bërë mirë. Çfarë na kërkohet, e bëjmë maksimalisht. Shpresoj të kemi bërë mirë. Edhe 2 trajnerët e mëparshëm
kanë bërë mirë, rezultatet kanë qenë ato që kanë munguar.
Jeni lojtari i momentit te Luftëtari, si ndiheni?
Të jem i sinqertë, më lumturon fitorja, por nuk mund ta mohoj faktin që ndihem i vlerësuar, kur të gjithë i kanë sytë tek unë.
Keni ndonjë dedikim për golat?
Tre gola në katër ndeshje më bëjnë të ndihem mirë. Gjithçka ua dedikoj shokëve të ekipit, familjes dhe atyre që besuan tek unë si lojtar.
Besonit se do përmbysej gjithçka?
Pas golit të barazimit, ekipi reagoi dhe arriti fitoren, e cila për mua ka vlerë të dyfishtë. Gjithsesi, nuk ka kohë për të festuar, sepse kemi beteja të forta përpara. Ka pak rendësi nëse shënoj apo jap asiste, rëndësi ka ecuria e Luftëtarit.