Konte dhe ëndrra titull: Po, por të tjerët duhet të gabojnë

Interi qëndron i vetëm në krye. Së paku deri nesër në mbrëmje, kur edhe Torino kundër Leçes të përpiqet të regjistrojë tri fitore në tri ndeshje. Festë e madhe në "San Siro", ku edhe dje spektatorët ishin thuajse 60 mijë. Dhe të martën nis Liga e Kampionëve, po brenda fushe, kundër Slavia Pragës: "Do duhet të luftojmë, është shprehur Antonio Konte në përfundim të fitores 1-0. - E kuptuam mirë që këtë mbrëmje. E kisha thënë: Udineze është një rival i vështirë dhe do t'i bëjë të gjithë të vuajnë në këtë kampionat. Tri pikët tona janë të merituara, por duhet të ishim më cinikë".

RRUGË E GJATË - "Lexoj shumë marrëzi, - ka vijuar trajneri i Interit -, nuk duhet të ekzaltohemi, të mendojmë vetëm për lojën dhe asgjë tjetër. E kemi nisur mirë, niveli i kampionatit është rritur, rruga përpara është e gjatë. Duhet të përmirësohemi, të punojmë fort. Tani të rikuperojmë energjitë në prag të Champions-it dhe derbit". Shtatë ndeshje në 23 ditë: "E para iku,buzëqesh Konte. "Kjo periudhë do të na japë përgjigje të rëndësishme, në çdo pikëpamje. Jam i lumtur nga lojtarët: Barela, Politano dhe Galjardini. Dhe Kandreva duket i rilindur".

LUKAKU, "ALARM" I VOGËL - Po rritet Godin: "Asist për Sensin dhe 90 minuta solide. Nuk i luante prej shumë kohësh, e interpretoi

ndeshjen në mënyrë inteligjente. Lukaku? Luajti me një problem në shpinë..." Gjatë orëve të ardhshme do ketë të tjera verifikime. "Titulli? Të qetësohemi, sepse për të ndjekur të tilla ëndrra duhet të bëjmë gjëra të mëdha dhe njëkohësisht të tjerët të bëjnë hapa fals", përfundoi Konte.