NOTAT E BAJERNIT
NOJER 6 - Perfekt mes shtyllave, por e dënoi vetëm një penallti.
PAVAR 6 - Patrullon me kujdes korsinë e djathtë, pa hasur rreziqe të mëdha. Administrim perfekt.
ZYLE 6.5 - Në shumë raste punon edhe për Boatengun, por në më shumë se një rast i shkon shumë pranë edhe golit personal.
BOATENG 6 - Jo shumë punë në prapavijë për të. Ndeshje e qetë, madje më e qetë se ç'duhej...
HERNANDEZ 5 - Njollos paraqitjen e tij gati perfekte, duke shkaktuar faullin e penalltisë, një episod që mund dhe duhej ta kishte shmangur.
KIMISH 6.5 - Prek një numër të pafundmë topash, duke i garantuar Bajernit gjeometritë e duhura në mesfushë. Lider i lindur!
TIAGO 6 - Shpërndan me saktësi lojën, por në një duel direkt për titull merr zero përgjegjësi në fazën ofensive. Në të 88-ën i lë vendin Kutinjos (pa notë).
KOMAN 6.5 - Nuk ngurron që të kërkojë duelin një kundër një, duke "shkatërruar" këdo që i del përpara në mbrojtjen e Lajpcigut, por nuk mjafton për të ndryshuar rezultatin final.
MYLER 7 - Interpreton në mënyrë perfekte rolin e fantazistit pas shpatullave të Levandovskit, duke i ofruar këtij të fundit edhe asistin për golin e 1-0. Në të 63ën Toliso (nota 6.5), i cili jo vetëm ngre një digë në mesfushë, por i shkon shpesh afër edhe golit të 2-1-shit.
GNABRI 5.5 - Elozhet pas paraqitjeve me kombëtaren mund ta kenë "dehur" disi, pasi në mënyrë të pashpjegueshme u pa jo i saktë në zonën e rreptësisë. Në të 62-ën i lë vendin Dejvisit (nota 6.5), me kanadezin që hedh një mori me topa në zonë, por askush nuk i shfrytëzon saktë.
Levandovski 7.5 - Lufton i vetëm kundër mbrojtjes së Lajpcigut dhe firmos me gjakftohtësi golin e avantazhit, por nuk mund të shënojë gjithmonë dhe vetëm ai.