Spektakël i Tiranës, Halili bën ligjin kundër Skënderbeut
Akuzat për trukime, i biri i Takajt: Si na shantazhoi i dënuari për manipulime
Tirana dërrmon dhe Skënderbeun dhe sheh kundërshtarët nga kreu i Kategorisë Superiore. Bardheblutë fituan 3-1 me korçarët dhe është një nga ekipet për t'u mundur. Në fitoren e djeshme ndaj ekipit të Ilir Dajës, Tirana edhe pse nuk u tregua brilante, cinike apo vrastare, u ndihmua shumë nga tifozët dhe pati një armë të madhe, atë që sezonin e shkuar bardheblutë nuk e kishin: forcën psikologjike. Edhe pse u barazuan, bardheblutë nuk u dorëzuan dhe me forcën e shpirtit ia dolën të përmbysnin rezultatin. Një veçori e kësaj skuadre, pasi sezonin e shkuar Tirana shënonte gol, por ishte shumë e brishtë dhe nëse kundërshtarët e barazonin, madje arrinin dhe i përmbysnin rezultatin, siç ka ndodhur vjet disa herë. Ama, tani Tirana është më pak brilante, por me dëshirën për të fituar në fushën e lojës. Sa për Skënderbeun, ka pak fjalë. Skuadra është prapa në përgatitje, por dje tentoi goditjen në fushën e Tiranës.
NDESHJA - Mema nuk ndryshoi asgjë nga parashikimet, ndërsa Ilir Daja aktivizon Turtullin, Asion Dajën dhe Gripshin. Rastin e parë e ka Ngo që pason te Hasani në qendër, i cili godet menjëherë, por pret i qetë Koliçi. Në minutën e 14-të, Pollozhani i dorëzon topin Ngosë para portierit, godet, por gjuajtja është për t'u harruar. Korçarët janë të pafuqishëm, por në minutën e 21-të, goditje dënimi për Skënderbeun pas një ndërhyrjeje të Osmanit. Ekzekuton Bregu, topi grushtohet nga Bakaj që largon rrezikun. Tirana e kupton që nuk ka forcë. Mema i kërkon Kobinës të shtyjë nga e djathta. Minuta e 39të, kombinim Kale-Kobina me këtë të fundit që futet në zonë, godet diagonal, por topi ndalet në fundore. Afrikani i Tiranës bëhet protagonist një minutë para mbylljes së kohës së rregullt në pjesën e parë. Kundërsulm i shpejtë i Tiranës, Kobina hyn në zonë, godet, por pret Koliçi. Kur të gjithë prisnin të pushonin, Tirana kalon në avantazh. Kobina çon një top në shtyllën e majtë të Koliçit, topi grushtohet nga portieri, shkon te Ngoja që nuk gabon dhe sfera përfundon në rrjetë. 1-0 për Tiranën. Festë e madhe për bardheblutë, që e mbyllin pjesën e parë në avantazh. PJESA E DYTË - Nis me shkëndija për golin e dytë të Ti
ranës 45- minutëshi i dytë. Në minutën e 49-të, Doka godet nga 20 metra, grushton Koliçi në fundore, duke shpëtuar Skënderbeun. Ka pretendime për një penallti të shkaktuar nga Hoxhallari në dëm të Mujës, por nuk mendon kështu Koçi. Në minutën e 62-të,
Imami për pak sa nuk shënon autogol, teksa largon një top, por është Bakaj që shpëton rezultatin. Duket se goli i korçarëve është ajër dhe në minutën e 67-të, Pollozhani arrin të shënojë gol pas një krosi të Mujës. Mbrojtësi i harruar në zonë nga Doka e ka punë fëmijësh
ta çojë topin në rrjetë. 1-1 dhe Tirana bëhet me zemër. Korçarët të shtyrë nga Turtulli, Daja, Bregu, Gripshi, Krasniqi, më të spikaturit në radhët e korçarëve mundohen të mbrojnë rezultatin. Mema vendos të fusë Halilin dhe sulmuesi bëhet shpëtimtari i situatës, sepse në
topin e parë serioz arrin të shënojë me kokë në minutën e 85-të, pas krosimit të Hoxhallarit. Sulmuesi heq bluzën dhe ua tregon tifozëve në shenjë se ai është Grenti dhe jo djali i presidentit. 2-1 për Tiranën dhe stadiumi merr flakë. Skënderbeu dorëzohet përfundimisht,
sepse në minutën e 90të, pas një krosimi nga këndi, mbrojtësi pogradecar Hoxhallari përfiton nga një rrëmujë dhe devijon topin në rrjetë. 3-1 dhe ndeshja nuk ka më histori. Fiton Tirana. Mban kreun dhe tani është një nga skuadrat për t'u mundur këtë sezon.