Spektakël pa fitues, Gjermania “fal” Argjentinën
Joshua Kimish e nis si kapiten, skuadra e re i bind të gjithë
Gjermania dhe Argjentina dhu ruan spektakël në “Signal Iduna Park” të Dortmundit. “Pancerat”, edhe pse shënuan dy herë në pjesën e parë, nuk arritën dot të ruanin rezultatin në të dytën. Miqtë nga Argjentina barazuan rezultatin, falë një loje më të mirë. Gjithsesi, gjermanët meritojnë duartrokitjet e tifozëve, pasi edhe pse me shumë mungesa në formacionin e parë, arritën të dhuronin spektakël në fushën e lojës. Në krahun tjetër Mesi nuk ishte për miqtë në fushë duke ia lënë vendin dyshes Lautaro-Dibala, të cilët nuk ishin në ditën e tyre më të mirë.
PJESA E PARË
Ishte skuadra e Argjentinës ajo që vizitoi e para portën e Ter Shtegenit, pas një aksioni të De Polit, gjuajtja e të cilit bllokohet nga një lojtar gjerman. Gjermanët mundohen të dalin me kundërsulme dhe ia arrijnë ta bëjnë këtë gjë në minutën e 16-të. Serge Gnabri është në vendin dhe në kohën e duhur, duke përfituar në maksimum nga një top i ardhur në zonë, duke bërë një marrje të mirë dhe duke shënuar një supergol në një zonë shumë të ngushtë. Në të 31’ është Halstenberger që ekzekuton saktë një goditje dënimi që përplaset në traversë, duke i mohuar Gjermanisë golin e dytë. Në të 22’ janë sërish gjermanët që shënojnë. Haverc shërbehet nga Gnabri në qendër të zonës, duke goditur saktë nga fare pranë portës kundërshtare, duke i çuar shifrat në 2-0.
Miqtë mundohen të kundërpërgjigjen me anë të De Polit, i cili godet nga jashtë zone, duke i kaluar fare pranë golit. Është shtylla ajo
që i mohon atij një supergol. Në fund të pjesës së parë është sërish Gnabri ai që godet në një pozicion diagonal, duke e dërguar topin ngjitur me shtyllën pingule. PJESA E DYTË
Miqtë janë më këmbëngulës në 45 minutat e dyta,
duke vënë në vështirësi portën e Ter Shtegenit. Gjithsesi, është Emre Xhan ai që mund të shënonte golin e tretë për gjermanët, por mesfushori gabon i vetëm përballë portierit. Alario, i futur në pjesën e dytë, shënon golin e parë për Argjentinën
në minutën e 66-të pas një goditjeje të saktë me kokë. Gjermanët nuk arrijnë të ruajnë ritmin e pjesës së parë, duke ia dhuruar mesin e fushës kundërshtarit, i cili shënon edhe golin e barazimit 5 minuta nga fundi me anë të Okampos. Skuadrat ndahen kështu në barazim 2-2, duke dhuruar një ndeshje spektakolare, edhe pse ishte vetëm një test miqësor. Gjermanët do t’i kenë sytë nga dueli i sotëm midis Holandës dhe Irlandës së Veriut dhe më pas të dielën në sfidën ndaj Estonisë në Talin.