Ronaldo synon sot 700 golat me Luksemburgun
Nga 2002 deri sot, ndaj Interit iu mohua historia
Portugali-Luksem burg, Ukraina-Por tugali apo JuventusBolonja? Nuk është dilemë e as problem, por Ronaldo në njërën nga këto ndeshje mund të arrijë një objektiv të madh. Bëhet fjalë për golin e 700 në karrierë. Nëse Roki nuk do t’i kishte anuluar atë ndaj Interit, numri jubilar do të ishte vetëm një distancë larg dhe sot ndaj Luksemburgut do të ishte një ndeshje e zakonshme eliminatore, me presionin dhe vlerën e duhur, por në të cilën do të kërkohej, si gjithmonë goli e lavdia. Ronaldo nuk është nga ata që i trembet shifrave, fundja karriera e tij është plot me të tilla, e shumica syresh janë stratosferike. Nëse trajneri Santos e kursen ndaj modestëve luksmeburgas, do të jetë Ukraina e Andrij Shevçenkos etapat e radhës për të kërkuar golin e shtatëqindtë në karrierë.
NË RITMIN E GOLAVE – Në vitin 2002, Ronaldo ishte një 17-vjeçar, me shumë talent që niste rrugëtimin në radhët e Sportingut të Lisbonës. Që nga ajo kohë kanë kaluar sezonet me Mançester Junajtidin, Realin e Madridit për të mbërritur te Juventusit. Portugezi sot ka dyfishin e viteve mbi shpinë, ndërsa uria është e njëjta. Me bardhezinjtë ka shënuar në diçka më shumë se një sezon 32 gola, teksa shumica e realizimeve në karrierë ka ardhur me fanellën e Realit të Madridit. Plot 450 gola me kryeqytetasit span
jollë, çka përbën 64 për qind të të golave në karrierë, mes klubeve ku ka shëtitur dhe kombëtares së Portugalisë.
VIKTIMAT – Në kompeticionet europiane, Ronaldo i ka shënuar 63 ekipeve, po aq sa Raul Blanko, shoku i tij në fillim të epokës madrilene.
Ngjall kureshtje fakti se “viktima” e preferuar në Europë është pikërisht Juvja, të cilës ka gjetur mënyrën në dhjetë raste për t’i tundur rrjetën. Viktimat e preferuara janë iberike, shkak edhe i 9 sezoneve të shumta që ka luajtur në Spanjë. Sevija është goditur 27
herë nga portugezi teksa edhe Atletiko e ka vuajtur jo pak. 25 janë golat që CR7 i ka shënuar skuadrës, e cila stërvitet aktualisht nga Diego Pablo Simeone.
SHIFRAT – Ronaldo ka luajtur 972 ndeshje zyrtare dhe ka shënuar në 21 kompeticione
të ndryshme. Në Serinë A ka shënuar 24 herë, ndërsa në Ligën e Kampioneve 127, çka e bën golashënuesin më të mirë të kompeticionit. E djathta mbetet këmba e preferuar me 440 gola të shënuar. 55 gola kanë ardhur nga goditjet e dënimit,
teksa 112 me penallti. Golin e 600-të e kishte shënuar ndaj Juventusin, të 700-tin e kërkon me kombëtaren, por edhe “Zonja” mund ta presë. Pas kombëtareve, kalendari parashikon Bolonjën, e Ronaldo është gati të festojë me “siuuu”-n e zakonshëm...