Abazaj: Katër pikë janë pak, ja pse po vuajmë
Në Pogradec janë të zhgënjyer me nisjen e këtij sezoni. Vetëm 4 pikë të marra në 4 javë janë shumë pak për një ekip që pretendon ngjitjen. I këtij mendimi është edhe vetë trajneri Ardian Abazaj, e megjithatë ai beson se kthesa e madhe nuk do të vonojë. Në një intervistë të dhënë për “Panorama Sport” ai jep zbulon shkaqet e kësaj ecurie.
Vetëm 4 pikë në 4 javë, janë pak për ju?
Natyrisht që janë shumë pak. Ekipi ka cilësi dhe potencial për t’u shfrytëzuar. Ne kemi zhvilluar ndeshje shumë të mira, lojë të bukur sulmuese, por njëkohësisht edhe kemi shpërdoruar. Kësaj duhet t’i mëshojmë fort. Nuk duhen përsëritur më gabimet që kemi vënë re në takimet e mëparshme.
Çfarë i mungon ekipit për të qenë atje ku edhe ju keni pritshmëritë?
Së pari, ekipi shfaq në momente të caktuara probleme në anën fizike. Unë nuk kam pasur kohën e duhur për të kryer një fazë të plotë përgatitore. Por, edhe pse në këto kushte, futbollistët e mi kanë ngulmuar shumë për të marrë rezultate pozitive, kanë treguar dëshirë për lojë. Jam i detyruar të them se fati nuk ka qenë në anën tonë. Gjithsesi, jemi besimplotë dhe do të ecim përpara.
problematikë?
E para ka qenë koha që kam pasur në dispozicion. Ndërkohë, dy futbollistë cilësorë për shkak dëmtimi na mungojnë. Disa të tjerë janë rikthyer , por u duhet dhënë kohë. Ne nuk kemi luksin të jemi me një organikë të fryrë, kështu që çdo mungesë është e
ndjeshme.
Kur do të vijë kthesa e madhe?
Po e them me bindje të plotë, ndryshimi do të vijë që në ndeshjen e radhës. Kjo periudhë ndërprerjeje e kampionatit na ka shërbyer mjaft dhe natyrisht që ne do të përfitojmë.