"Axurrët", kurrë më parë me këtë ritëm
* Me 20 gola të shënuar në 7 ndeshjet e para të eliminatoreve për në "Euro 2020", Italia vendos një rekord absolut në historinë e saj. * Tetë fitore radhazi numëron përfaqësuesja e Roberto Mançinit (një miqësore dhe 7 eliminatore). E vetmja herë që ka bërë më mirë është seria prej 9 suksesesh radhazi në vitin 1930, nën drejtimin e Vitorio Pocos.
* Italia e ka mbajtur portën e paprekur gjatë një ndeshjeje në "Olimpico"-n e Romës, për herë të parë, që prej tetorit të vitit 2006, në duelin kundër Ukrainës. * Gjashtë golat e fundit të shënuar nga Italia kanë mbërritur që të gjithë në pjesën e dytë.
* Italia i ka dërguar saktësisht në rrjetë të pesta penalltitë që ka marrë në favor gjatë epokës "Roberto Mançini".
* Zhorzhinjo është golashënuesi më i mirë i Italisë së Mançinit, me tre gola të realizuar (që të tre nga pika e penalltisë).
* Zhorzhinjo ka shënuar 3 herë nga pika e penalltisë me bluzën "axurre", ndërkohë që vetëm 4 lojtarë numërojnë më shumë në histori: Roberto Baxho 7, Alesandro Del Piero 6, Daniele De Rosi 5 dhe Paolo Rosi 4. * Një vit kishte Federiko Bernardeski që nuk realizonte një gol me bluzën e Italisë, konkretisht që prej 10 tetorit 2018, në miqësoren përballë Ukrainës.
* Të tre golat që Bernardeski numëron në karrierën e tij me kombëtaren, kanë ardhur që të tre nga jashtë zone.
* Leonardo Bonuçi ka parakaluar Alesandro Del Pieron, pas ndeshjes së djeshme. Me 92 prezencat e tij, mbrojtësi juventin ngjitet në vendin e dhjetë të renditjes së përgjithshme për numër prezencash.