Sançez tre muaj jashtë, e sakatoi juventini Kuadrado
Analizat në Itali, kiliani mund të operohet në kavilje
Duke rishikuar në përsëritje di namikën e dëmtimit të Aleksis Sançez gjatë KiliKolumbi, nuk duket të ketë përgjegjësi të qarta të Huan Kadrados, i cili kreu faullin ndaj sulmuesit të Interit. E megjithatë, në orët pas dyluftimit, në rrjetet sociale kanë shpërthyer polemikat. Tifozët zikaltër i janë vënë kundër juventinit, duke e akuzuar se shkaktoi faullin me keqdashësi. Shiu i komenteve në "Instagram" dhe "Twitter" ka sjellë reagimin e bardhezinjve në mbrojtje të kolumbianit.
Stop i gjatë. Sançez u detyrua të largohej nga fusha përpara përfundimit të miqësores së zhvilluar në Spanjë. Kombëtarja kiliane kishte publikuar një azhurnim të kushteve të lojtarit me një diagnozë të parë: "Stafi mjekësor i përfaqësueses së Kilit komunikon se Aleksis Sançez ka pësuar një tërheqje të tendinit të kaviljes së majtë, ndaj në akord me stafin mjekësor të skuadrës së tij është liruar nga angazhimi me kombëtaren dhe do të rikthehet në Milano, ku do u nënshtrohet testeve të rezonancës magnetike për të nisur kurën më të mirë terapeutike". Nga analizat e para të kryera në Itali nuk përjashtohet mundësia e një ndërhyrjeje kirurgjikale, që do zgjaste kohët e riaftësimit. Lidhur me çështjen është shprehur edhe trajneri i Kilit, Reinaldo Rueda. Fjalë jo të lumtura për Antonio Konten: "Humbasim Aleksisin për ndeshjen e radhës dhe nëse do duhet të operohej me Interin, do qëndronte jashtë fushave për dy ose tre muaj. Më vjen keq, po kalonte një periudhë pozitive dhe së shpejti do angazhohej
me klubin. Duhet të presim orët e ardhshme për të mësuar vendimin që do marrë Interi". Tani sulmi mbetet në duart e Lukakut, Lautaros dhe Politanos, që do bëjnë "orët e shkurtra".