Balaj i pandalshëm, shënon edhe Grezda
Dy gola për U-21, mesfushori i Rejnxhërs i jep kualifikimin
Forma e mirë e kuqezinjve vijon jo vetëm në kampionatet respektive, por edhe në kupë. Bekim Balaj dhe Eros Grezda kanë udhëhequr ekipet respektive për të kaluar në turin tjetër të kupës. Dopietë dhe penallti e saktë kanë bërë që 21-vjeçarët e Rejnxhërsit t'i falen formës në rritje të Eros Grezdës dhe një gol sigurie nga Balaj ka bërë që...
Forma e mirë e kuqez injve vijon jo vetëm në kampionatet respektive, por edhe në kupë. Bekim Balaj dhe Eros Grezda kanë udhëhequr ekipet respektive për të kaluar në turin tjetër të kupës. Dopietë dhe penallti e saktë kanë bërë që 21-vjeçarët e Rejnxhërsit t’i falen formës në rritje të Eros Grezdës dhe një gol sigurie nga Balaj ka bërë që Shturm Grac të kapërcejë një tur në Austri. AUSTRI
Në fundjavë, Bekim Balaj vuri firmën në goleadën e Shturm Gracit, duke realizuar me penallti golin e tretë në triumfin 0-4 ndaj St.Poltenit. Dje, ishte radha e Kapfenbergut që ta pësonte. Shkodrani po gjen rrugën e rrjetës në vazhdimësi, duke u bërë një pikë referimi për ekipin Austria. Dje, shënoi në minutën e 93-të të takimit ndaj Kapfenbergut në transfertë, në takimin e vlefshëm për fazën e 1/8-ave të Kupës së Austrisë. Goli i Balajt ishte i dyti në fitoren 0-2, i cili mjaftoi për të siguruar kalimin e ekipit të tij në turin çerekfinal. Balaj doli i vetëm me portierin në një kohë që vendasit ishin hedhur për të gjetur barazimin dhe ai nuk e pati të vështirë të shënonte. SKOCI
Stiven Xherard e la jashtë planeve dhe me një gjest në ekipin e moshave deklaroi se për Grezdën s’do të kishte më vend në skuadrën skoceze. Mirëpo, ndeshje pas ndeshjeje, shqiptari është bërë futbollisti më i rëndësishëm i 21vjeçarëve të ekipit legjendar skocez. Dje, Grezda është bërë protagonisti absolut me dopietën e shënuar në barazimin 3-3 që ekipi i tij arriti ndaj Solihull Murs. Grezda shënoi dy golat e fundit për Rejnxhërsin, teksa vendasit po arrinin fitonin 3-1. Në minutat
69 dhe 84, shqiptari baraspeshoi sfidën dhe futi ekipin e tij në lojë për një biletë në fazën tjetër. Më tej, takimi i vlefshëm për 1/8-at e Kupës te të rinjtë, u desh që të kishte edhe penalltitë, në të cilat Rejnxhërsi u tregua më i saktë, pasi Solihull humbi dy penallti, ndërsa Rejnxhërsi i shënoi të gjitha. Edhe Grezda shënoi nga pika e bardhë, i treti në radhë.
SERIA B
Në fundjavë, Frederik Veseli ishte i pafat teksa një aksion në limitet e takimit, në minutën e 90+8, i dha barazimin Trapanit. Edhe dje,
mbrojtësi kuqezi ka qenë sërish i pafat, teksa ka devijuar pa vullnet një top nga Bidaui në minutën e 56-të, i cili ka kaluar Specian në avantazh. Për Empolin ka barazuar Fratesi në minutën e 71-të. I vlerësuar me notën pesë, shpjegimi për paraqitjen nga “Tuttomercatoweb” është me nota negative. “Pas autogolit të shtunën edhe dje ai ishte i pafat e pa dëshirë dhe drejton goditjen e Bidaui në rrjetën e tij. Përveç veprimit te goli i Specias, vuan shumë në veprimet e mesfushorëve anësorë të kundërshtarit në më shumë se një rast”.