Kumbulla mund Dermakun, italianët elozhe “murit” shqiptar
Kuqezinjtë si shembull, talenti dhe surpriza e Serisë A
14 tetori nuk ishte aspak larg. Përpara mbrëmjes së djeshme, ajo datë ishte e para që bashkoi dy qendërmbrojtësit pranë njëri-tjetrit me fanellat kuqezi. Për pak minuta, kanë qenë prapavija e Shqipërisë në ndeshjen kundër Moldavisë. Edi Reja i dha mundësinë e debutimit Marash Kumbullës me Kombëtaren A, në atë takim përkrah Dermakut. Kontakti i parë në fushën e lojës, një nisje e bashkëpunimit të një dysheje që mund të funksionojë bashkë edhe më shpesh në të ardhmen.
E PARA SI KUNDËRSHTARË
Dje, dy mbrojtësit e Kombëtares kanë luajtur për herë të parë si kundërshtarë. Njëri në prapavijën e Parmës e tjetri në atë të Veronës. Kastrioti dhe Marashi janë dy shqiptarët e Italisë. Njëri i lindur në “Skandiano”, provinca e Rexho Emilias. Surpriza e Serisë A. E njëjta vendlindje me Romano Prodin. Tjetri, talenti në Itali, në “Peskiera del Garda”. Për ta, Shqipëria është një trashëgimi shpirtërore, por edhe prindërore. Kanë lindur në Itali. Në mënyrë ideale mund të ishin bashkë edhe në kombëtaren e Mançinit. TRIUMF I 19-VJEÇARIT Përballja e parë e dy shqiptarëve në Serinë A, ka shkuar në favor të Veronës dhe Kumbullës, të cilët kanë triumfuar në transfertë me Parmën falë golit të Lazoviçit në minutën e dhjetë që vulosi fitoren 0-1. Në notat e “Tuttomercatoweb”, të dy mbrojtësit vlerësohen për paraqitjen e tyre, ndërkohë që patën raste edhe për të shënuar:
DERMAKU 5.5 – “Pak i rëndë në fushë, por nuk has probleme madhore. I shkon afër barazimit të rezultatit me një goditje me kokë, por pritet nga Silvestri në dy kohë”.
KUMBULLA 6.5 - “I shkon pranë golit me kokë. Në zonat e tij nuk ka ndonjë rrezik të madh, madje nuk ka as shumë kundërshtarë”. Kastriot Dermaku Historia e Kastriot Dermakut
është e lidhur edhe me një përfaqësuese të tretë, atë të Kosovës. “Unë ndihem shqiptar, kosovar dhe shqiptar”, pati thënë në vitin 2015 Dermaku, i detyruar edhe nga një grumbullin me “Dardanët”. Pas një ndeshjeje në pankinë ndaj Azerbajxhanit, trajneri Shaland nuk pati ndërmend t’ia besonte fanellën e titullarit as ndaj Ishujve Faraoe. Zgjedhje që e detyroi Dermakun të braktiste grumbullimin për të qenë i hapur për Shqipërinë, me të cilën do të debutonte në muajin e ardhshëm (tetor 2018), kundër Jordanisë. Mirëpo, lidhja e tij me Shqipërinë nuk ka të bëjë me një ndeshje të luajtur apo jo. Babai Luani, i cili ka shkuar në Itali për punë, ka qenë ishsulmues i Prishtinës me legjendën Fadil Vokrri. Simboli i Kosovës.
MARASH KUMBULLA Ndërsa bashkëkombësi i tij Dermaku ka debutuar në Serinë A në moshën 27-vjeçare (më 20 tetor kundër Xhenoas). Kumbulla ka startuar zyrtarisht vetëm 19 vjeç e gjysmë. E nëse zgjedhja e Roberto D’Aversas ishte surprizuese, harrojeni atë që bëri Ivan Juriç, i cili e vendosi këtë djalosh në mbrojtjen me 3 kundër Bolonjës së Rodrigo Palasios, më 25 gusht. Djaloshi i lindur në vitin 2000 është rritur në ekipet e moshave të Hellas Veronës. Nga fëmijët deri në ekipin e parë. Një rrugëtim që duhet të jetë shembull për të gjithë fëmijët që nisin të luajnë futboll. Prindërit kanë ikur nga Shqipëria drejt Italisë: Babai ka një firmë ndërtuesish dhe e ëma punon në restorantin e familjes në Peskiera. Djaloshi ka punuar jo më pak se 2-3 orë çdo ditë, për të arritur deri në momentin që e bindi trajnerin Juriç. Ky i fundit, kur e ka gjetur Marashin në grumbullim, nuk i ka parë aspak kartën e identitetit, por e ka analizuar mirë për çfarë mund të shfaqë në fushën e lojës. Deri më tani, qartësisht është vënë re që ai ka humbur vetëm një ndeshje për zgjedhje të trajnerit dhe një për shkak të një skualifikimi me kartonë dhe mund të japë vërtet shumë...