Dopietë e Kun, Siti marshon në Kupë
Otamendi dhe dy golat e Agueros presin biletën e ekipit të Guardiolës në çerekfinale
Gjithçka shumë e le htë. Mançester Siti i merr më të mirën Sauthemptonit, në krizë rezultatesh pas humbjes 0-9 në shtëpi ndaj Lestërit në kampionat dhe fluturon në çerekfinalet e Kupës së Ligës. Asnjë problem për skuadrën e Guardiolës, që zbret në fushë me shumë zgjedhje të dyta, por pa e penguar të arrijë rezultatin që donte. "Shenjtorët" hyjnë në mënyrë dinjitoze në ndeshje atëherë kur ishte tepër vonë. 45 minutat e para përfundojnë 2-0 dhe ndeshja 3-1. Të shtunën ndeshja do të riluhet, por në Premier Ligë. Në çerekfinale Siti mund të gjejë një mes gjigantëve të Junajtidit, Liverpulit, Arsenalit dhe Çelsit që do të përballen me njëra-tjetrën sot. Mund të jetë trofeu më pak i rëndësishëm në Angli, por tani kampionët e Anglisë e duan këtë kupë për herë të tretë radhazi.
GOLAT - Minuta e 20-të dhe "Qytetarët" zhbllokohen. Një krosim i Bernardo Silvës ulet në mënyrë perfekte për Nikolas Otamendin në zonë, i cili me kokë ngrihet mbi të gjithë dhe e dërgon topin në të djathtë të MekKartit. Në "Etihad" luhet vetëm në një drejtim. Sauthemptoni nuk del dot prej gjysmëfushës së vet dhe në minutën e 38-të "Qytetarët" festojnë sërish. Këtë herë shënon Serxho Aguero, i cili devijon në qendër të zonës krosimin e
Uokerit nga e djathta: Një manovër e shkëlqyer e djemve të Guardiolës. Në pushim Siti mund të kishte shkuar edhe me një gol të tretë, por MekKarti iu përgjigj mirë goditjes së Angelinjos. Vendësit e rinisën ndeshjen në të njëjtën mënyrë, duke dominuar dhe menjëherë kërcënojnë me dyshen Mahrez-Aguero. Në minutën e 56të "Etihad" shpërthen sërish në ovacione: Aguero feston dopietën personale pasi goditja e devijuar e Mahrezit e nxori topin në rrugën e shënuesit më të mirë në historinë
e klubit. Që prej debutimit të tij me Sitin në gusht 2011, Kun ka shënuar 243 gola në 350 ndeshje në të gjitha kompeticionet për "Qytetarët" dhe dje ishin dy golat e tij të nëntë dhe të dhjetë në Kupën e Ligës. 31vjeçari ka shënuar 5 gola në 5 ndeshjet e fundit kundër Sauthemptonit në të gjitha kompeticionet, pasi kishte shënuar vetëm 2 në 7 përballjet e tij të para kundër "Shenjtorëve". Skuadra e Hazenhytëlit e krijon rastin e parë të ndeshjes me goditjen e Bufal, por Bravo bën një zhytje shpëtimtare. Ishte preludi i golit që do të vinte në minutën e 75-të, kur ekzekutimi perfekt i goditjes së këndit nga UardProuz gjen devijimin e Stefens me kokë. Goli i ngushëllimit për Sauthemptonin pas humbjes historike me Lestërin në kampionat. Por në çerekfina- le e presin biletën djemtë e Guardiolës.