Te Tirana, makth goditjet standarde dhe golat me kokë
Tirana është skuadra që ka sulmin më të mirë në kampionat. Ka shënuar 19 gola, duke pasur një mesatare rreth dy gola për takim. Problemi i bardhebluve është mbrojtja. Me 12 gola të pësuar janë mbrojtja e katërt më e keqe e kampionatit. Rekordin e mbajnë Flamurtari, Luftëtari dhe
Skënderbeu. Është e sigurt që
Tirana ndëshkohet me një gol në çdo takim. Nga një analizë e thjeshtë e golave të pësuar, Tirana vuan shumë goditjet standarde dhe goditjet me kokë. Dy gola bardheblutë i kanë pësuar nga kroset që vinin nga goditjet e dënimit apo të këndit. Në
Bylis-Tirana, Goxha shënoi me kokë, pas krosit nga këndi. Në Flamurtari-Tirana, ishte Ngo që në vend të hiqte topin me kokë e çoi në rrjetë. Në pesë raste të tjera golat kundërshtarët ia kanë shënuar Tiranës me kokë.
Si fillim, ishte Pollozani që i shënoi me kokë brenda në zonë. Më pas, Shkurtaj shënoi në portën e Tiranës me kokë.
Në derbi, Solomon tundi rrjetën me një gjuajtje me kokë nga 16 metra pas krosit të
Malës. Për të vazhduar me
Ardit Hoxhajn që në minutën e 93-të, shtangu Bakajn me një gjuajtje po me kokë nga brenda zone dhe për të përfunduar me Rustem Hoxhën që i gjeti mbrojtësit e Tiranës në gjumë dhe ia doli të shënonte gol po me kokë. Shkurt, Tirana është një nga skuadrat më të dobëta që vuan nga kroset dhe goditjet e dënimit që bën kundërshtari, sepse shumicën e golave të pësuar e ka si pasojë e dobësisë së saj në ajër. Nëse Julian Ahmataj nuk e rregullon këtë problem, atëherë e ka të kotë, pika më e dobët është ajri.