“Me “Me Juven Juven tregojmë tregojmë sa sa vlejmë” vlejmë”

"Na ndëshkuan në momentet më të mira, disfata ishte e pamerituar"

Ndeshja më e mirë që kur ka zbarkuar në Milano, por Ismael Benaser dhe regjia e tij nuk u mjaftuan kuqezinjve ndaj Lacios. Mesfushori algjerian ka analizuar humbjen e djeshme duke e cilësuar të tepërt. Edhe pse 20 vjeç, ai ka recetën për të dalë nga situata dhe ftoi ekipin që të reagojë duke nisur nga ndeshja e radhës me Juventusin.

Si e gjykoni paraqitjen e sotme?

Ishte një humbje e rëndë, sidomos pas asaj që u pa në fushë, por futbolli kështu e ka. Ne duhet të punojmë më shumë, por shpirti që treguam ndaj Lacios më duket i duhuri.

Ku mendoni se gabuat?

Duhet të luajmë më mirë në të gjitha zonat e fushës. Në pjesën e dytë e patëm disi më të vështirë të realizonim detyrat, e kjo edhe për meritë të kundërshtarit që na ndëshkoi, mbase në momentet tona

më të mira.

Mendoni se keni zhvilluar ndeshjen më të mirë që kur jeni pjesë e Milanit?

Po fitoj gjithmonë e më shumë besim, por njëkohësisht e di se ku duhet të përmirësohem. Në gjykimin tim humba disa topa më shumë se zakonisht dhe mund të fitoja ndonjë duel më tepër.

Çfarë mendoni se i mungon kësaj skuadre?

Me siguri që nuk është cilësia. Kemi gjithçka na duhet për të qenë një ekip më i mirë, por duhet të punojmë ende. Siç thashë,

shpirti i garës që treguam sot është një cilësi që duhet ta ruajmë.

Humbja e gjashtë sezonale dhe të dielën ju pret Juventusi.

Në kampionatin italian të gjitha ndeshjet janë të vështira. E dimë vlerën e Juventusit dhe do të mundohemi ta përgatisim sa më mirë atë ndeshje. Për të fituar të tilla përballje, duhet kurajë dhe neve nuk na mungon.