Mançester Junajtid, 3 ‘shuplaka’ serbëve për kualifikimin

Dominuan Partizanin, Rashford: Tani të mos ndalemi

Mançester Junajtid konfirmon mo mentin pozitiv që po kalon, sidomos pas barazimit me Liverpulin dhe vazhdojnë të korrin suksese edhe në Ligën e Europës. Madje, ata përsëriten sërish ndaj Partizanit të Beogradit, duke dominuar sfidën dhe duke vendosur në fund rezultatin 3-0. Në "Old Trafford", ndryshe nga mbrëmja e Beogradit, u vu në skenë një ndeshje pa histori, duke qenë se skuadra e drejtuar nga Ole Gunar Solskjaer arriti që të hipotekojë tri pikët, por njëkohësisht edhe kualifikimin matematikor për në fazën e 1/ 16-ave të turneut, që në pjesën e parë. Ai që zhbllokoi takimin ishte Grinud, në minutën e 22të: Rashford gjen mes trafikut të mbrojtjes serbe talentin e Junajtid, i cili pasi driblon një kundërshtar përpara tij godet saktë me të majtën në rrjetë, nga brenda zonës. Avantazhi shton "xhirot" e manovrës angleze dhe pas vetëm 11 minutash vjen edhe dyfishimi i rezultatit. Këtë herë ai që la vulën është Entoni Marsial, një gol spektakolar, sepse pas një topi të ardhur me shumë fat në këmbët e tij, francezi vallëzon dhe driblon njëkohësisht tri mbrojtës të Partizanit të Beogradit, përpara se të djegë edhe

portierin rival në dalje. Gjithçka shumë e lehtë dhe shumë e bukur për Junajtid, i cili nuk humb kohë, por vetëm katër minuta pas fillimit të pjesës së dytë trefishon me Rashford, një predhë e pakapshme me të majtën nga brenda zonës, pasi Jang i uli topin për ta goditur. 3-0 dhe për Mançesterin mund

të mjaftojë edhe kaq, duke qenë se serbët dorëzohen dhe prisnin vetëm me padurim vërshëllimën finale, për të marrë avionin që do t'i dërgonte në Beograd.

Rashford - Në fund, njeriu i ndeshjes, Markus Rashford, autor i një asisti dhe një goli shpreson që Mançester Junajtid

të ketë gjetur ritmin e duhur. "Kemi hapur një seri mjaft pozitive dhe shpresojmë që tani e në vazhdim të mos ndalemi më. Në Europë ishte një tjetër natë pozitive për ne, shënuam tri herë dhe u kualifikuam. Tani duam që ky moment i yni të vazhdojë sa më gjatë të jetë e mundur".