Ronaldo, 3 shuplaka Sarrit: Jo mirë, por jam në superformë

Edhe Santos godet: Ju thashë që nuk ishte i dëmtuar...

Që do të kishte qenë një mbrëmje e mad he për Ronaldon, kjo ishte kuptuar përpara ndeshjes. Kapiteni i Portugalisë kishte vendosur që të bënte një shëtitje të shkurtër në parkun që rrethon qendrën stërvitore të luzitanëve dhe nuk mund t’u shpëtonte kamerave e gazetarëve. Të shtyrë ndoshta edhe nga shqetësimet e shfaqura nga Juventusi për formën e Ronaldos, të justifikuara me një dëmtim në gju, alieni portugez nuk ngurroi të thumbojë nga larg trajnerin bardhezi, Mauricio Sarri: “Është në formë kapiteni? Po ju jap një lajm për të gjitha faqet e para të botës: nuk jam vetëm në formë, por jam në një formë fantastike. Ndaj mos u shqetësoni për kapitenin”. Dhe me sa duket, Ronaldo kishte të drejtë, sepse 3 golat e shënuar ndaj Lituanisë, në të vërtetë u dukën më shumë si 3 shuplaka drejtuar trajnerit Sarri.

FLET SANTOS - Fernando Santos nuk ka dashur të flasë për perfeksion, përkundrazi, nuk ka ndërmend që të lëshojë asnjë gram buzëqeshje, pa pasur sigurinë matematikore për t’u kualifikuar në “Euro 2020”. “Nuk ka paraqitje perfekte, ka vetëm fitore, barazime dhe humbje. Po, bëmë një ndeshje të mirë, por bëmë detyrën dhe tani mund të mendojmë për

hapin e radhës. Ishte një sfidë që nuk mund ta gabonim, ndonëse finalen e madhe e kemi të dielën, me Luksemburgun, - u shpreh trajneri i Portugalisë, i cili nuk zgjatet as për Ronaldon. – Tripleta e tij? Kristiano është një burrë i zgjuar, një lojtar fantastik. Ai nuk

më mahnit më, sepse siç e thashë edhe para ndeshjes, Ronaldo ishte në formë fantastike dhe e tregoi. Nuk kishte as dëmtim dhe asgjë tjetër. Thjesht e dija që do të bënte një ndeshje të madhe, e cila na afron me kualifikimin tonë për në Europian”, përfundoi Santos.