Dhurim gjaku dhe ndihma, solidarizohet Superiorja
Partizani & Co pranë të prekurve, te Vllaznia japin gjak
Situata e krijuar dje ka bërë që të gjitha klu bet e futbollit të shprehin dhimbjen për pasojat nga tërmeti. Ekipet e Superiores janë bërë bashkë me lutjet e tyre dhe solidaritetin në rrjetet sociale. PARTIZANI
"Klubi i futbollit Partizani në këto momente të vështira bashkohet me dhimbjen e familjeve që kanë humbur të afërmit e tyre si pasojë e tërmetit të fuqishëm që goditi mëngjesin e sotëm (djeshëm) vendin tonë. FK Partizani u përcjell ngushëllimet më të sinqerta familjeve të viktimave dhe urojmë shërim sa më të shpejtë për të gjithë të lënduarit nga kjo fatkeqësi e natyrës", ka shkruar klubi i kuq në rrjetet sociale. KUKËSI
"FK Kukësi u shpreh ngushëllimet dhe dhimbjen më të thellë familjarëve të viktimave të tërmetit të ditës së sotme (djeshme) në Durrës e Thumanë! Në këto momente, u gjendemi pranë edhe të plagosurve, duke u uruar shërim sa më të shpejtë! Inkurajojmë të gjithë ata njerëz dhe instancat shtetërore që janë përfshirë në operacionet e kërkimshpëtimit, që të bëjnë maksimumin që të prekurit ta kalojnë sa më lehtë këtë fatkeqësi natyrore. FK Kukësi do të jetë gjithmonë pranë njerëzve në nevojë. Kurajë për të kapërcyer këtë moment të vështirë!", ka shkruar skuadra verilindore në llogarinë e saj në rrjetet sociale. TEUTA
Mesazhe të shkurtra dhe kuptimplota janë shpërndarë në faqen e Teutës, si skuadra në qytetin më të prekur nga tërmeti i djeshëm. "Kurajë! Durim! Solidaritet!", ka uruar dhe ka kërkuar në të njëjtën kohë skuadra bregdetare për të gjithë qytetin e Durrësit, shoqëruar me një foto domethënëse të hartës ku pasqyrohej edhe qyteti i prekur nga tërmeti. BYLISI
Nuk ka munguar as reagimi i skuadrës ballshiote, Bylis,
e cila në rrjetet sociale ka shpërndarë solidarizimin dhe lutjen për të gjithë të prekurit nga ky fenomen. "Lutjet tona sot shkojnë për të gjithë banorët e prekur nga tërmeti", ka qenë sensibilizimi i Bylisit. VLLAZNIA
Sportistë dhe trajnerë të klubit shumësportësh Vllaznia u solidarizuan me tragjedinë e ndodhur, ku për shkak të tërmetit të fuqishëm, humbën jetën disa persona. Ata u paraqitën në spitalin e Shkodrës për të dhuruar gjak, për të plagosurit nga tërmeti, për të bërë të mundur mbulimin e nevojave për gjak.