Kukësi Kukësi çmonton Tiranën, Tiranën, Ahmataj drejt drejt largimit largimit
Bardheblutë mbahen vetëm një pjesë, bien për 15 minuta
Spektakëll ii veriilliindorëve,, Shkurtaj,, Gavazaj dhe Abazaj zhvllerësojnë golliin e Hasaniit.. Drejtuesiit bardhebllu presiin që trajnerii të japë dorëheqjen,, zbullohen prapaskenat
Tërmet kuksian në "Selman Stërmasi". Kukësi i Shpëtim Duros mund me përmbysje Tiranën e Julian Ahmatajt. Bardheblutë, edhe pse kalojnë të parët në avantazh, bien si kështjellë rëre për 15 minuta, por duhet pranuar se Tirana dje zhvilloi një nga ndeshjet më të dobëta të kampionatit. Një skuadër që pas golit të shënuar kthehet çuditërisht në mbrojtje, në kundërshtim me ADN-në e saj dhe humbet fare busullën pas golit të barazimit. E kundërta është e vërtetë për Kukësin. Ekipi i Duros, ndonëse nuk ka mbrojtjen më perfekte në botë, por edhe pse pëson gol, kontrollon gjithçka dhe ia del të shënojë tri herë, duke zhveshur fare Tiranën. Kjo e fundit, dukshëm e pafuqishme të reagojë, dorëzohet dhe pranon humbjen turpëruese 1-3 brenda në "Selman Stërmasi", që mund t'i kushtojë vendin e punës Ahmatajt.
Ndeshja - Takimi nis me një minutë heshtje për tragjedinë e 26 nëntorit, por ata që gëzojnë shumë shpejt janë bardheblutë. Ngo arrin të marrë një top para mbrojtjes së Kukësit, e fut në zonë dhe Hasani duke iu vjedhur kundërshtarit godet me kokë dhe shënon golin e avantazhit me gjuajtjen e parë në portë. 1-0 për Tiranën dhe bardheblutë në festë. Duro nevrikoset dhe kërkon nga të tijtë të sulmojnë. Minuta e 14-të, galopim i Mustës nga e majta e sulmit, pasi djeg Vangjelin, pason në qendër për Shkurtajn që godet menjëherë, por vetëm jashtë. Tirana humbet Kobinën për një dëmtim në rrëzat e kofshëve. Në vend të tij futet Torasa. Në gjysmën e pjesës së parë Halili mund të kishte mbyllur lojën. Sulmuesi del vetëm me portierin Xhika, si fillim nuk godet, por tenton të bëjë finte. Në tentativën e dytë godet drejt portës, por gjuajtja është për t'u harruar. Shkurtaj, i mbuluar mirë nga Muça e Hoxhallari, gjuajtjen e parë në portë e bën në minutën e 31-të, ndërkohë që në minutën e 45-të kërkohet një penallti nga miqtë për një pengim të Maliqit nga ana e Halilit. Me rezultatin 1-0 mbyllet pjesa e parë.
Pjesa e dytë - Loja rinis pa Hasanin të dëmtuar, në vend të tij futet i riu Çejku. Kukësi ka kontrollin e lojës, ndërsa Tirana mundohet të godasë me kundërsulm, por nuk e çon dot topin te porta mike. Në minutën e 59-të Ilion Lika bën mrekullinë, teksa grushton një top të gjuajtur nga Limaj. Përmbysja e ndeshjes vjen në minutën e 64
t. Torasa pengon Gavazajn në zonë, në një pjesë të fushës ku nuk kishte rrezikshmëri. Për Jorgjin nuk ka dyshim, është penallti. Merr përsipër ekzekutimin Shkurtaj, që godet me parabël, sfera shkon në shtyllë, futet në portë dhe del, ndërsa sulmuesi godet me kokë.
Anësori Rexha sinjalizon për gol. Barazim 1-1, por Tirana nuk ka fuqi të reagojë, sepse kontrollin e lojës e ka Kukësi. Në minutën e 75-të vjen avantazhi i Kukësit. Supergol i Gavazajt, i cili vallëzon në zonën e Tiranës. Përmbysin gjithçka verilindorët me Enis
Gavazajn, i cili pas një aksioni fantastik të Maliqit merr një pas dhe nuk fal brenda zonës, duke e dërguar topin në cepin e rrjetës. 1-2, ndërsa Ahmataj ulet në pankinë, ama nuk ka mbaruar ende. Në minutën e 80-të Kristal Abazaj realizon golin e tretë për skuadrën e
Duros, teksa ekzekuton saktë një goditje dënimi, duke e dërguar topin në shtyllën e parë të portierit Lika. Minutat e mbetura luhen kot, sepse Kukësi ia del të mundë Tiranën 1-3 me përmbysje duke marrë tri pikët, por edhe minuar stolin e Julian Ahmatajt...