Mesi është një çmenduri, Reali "flet" frëngjisht
Shkëlqen Vinicius, "Galaktikët" nuk ndalen
Reali i Madridit ruaj ti inercinë fituese në një mesditë të çuditshme. I veshur me jeshile në stadiumin e tij merr 3 pikë shumë të rëndësishme, në një ndeshje që nuk ishte aq e lehtë sa mendohej. Jo sepse Espanjoli i vendit të parafundit krijoi raste të shumta për gol, por sepse vendësit nuk ishin në maksimumin e tyre. Fillimisht Varan zhbllokoi sfidën dhe pastaj Benzema përfitoi nga një gabim amator i kundërshtarëve për të vulosur triumfin. Ishte një fitore e gjitha franceze ajo e djeshmja me Benzemanë, që shënoi dhe asistoi. Në këtë mënyrë, skuadra e Zidanit ruan ritmin e duhur si kandidate për titullin.
SHKËLQEN VINICIUS- Viniciusit i sjell fat fanella jeshile. Është një futbollist i shkëlqyer, por i duhet të maturohet në çdo veprim që bën. Zinedin Zidan i dha besim dhe ai e shpërbleu më së miri. Bëri gjithçka në fushë dhe i munguan vetëm golat. Në të majtë bëri disa shpërthime të njëpasnjëshme, niste aksionet dhe askush nuk mund ta ndalte. Në çdo aksion kishte mundësinë që të shënonte gol apo të jepte asiste për të shënuar, por gabimi i tij është që nxitohet në marrjen e vendimeve. Diego Lopez e ndali dy herë dhe tregoi se vazhdon të jetë një portier me vlera.
SHËNON VARAN- Ndeshjet në drekë nuk tregojnë versionin më të mirë të Realit të Madridit. Zidan bëri 6 ndryshime në krahasim me ndeshjen e një jave më parë edhe për faktin se kundërshtari i tij vjen me shumë probleme. Por ndeshja nuk u zhbllokua shumë shpejt dhe duhet të vinte minuta e 37të e pjesës së parë, që Varan të përfitonte në hyrje të zonës për të goditur me të majtën dhe për ta dërguar topin në rrjetë. Goli nuk i dha qetësi Realit të Madridit, i cili rrezikoi të mbetej me 10 lojtarë për shkak se Vinicius bën një ndërhyrje të ashpër ndaj David Lopezit dhe mund të ndëshkohej me kartonin e dytë të verdhë. Arbitri bënte me shenjë se braziliani preku topin dhe loja vazhdoi.
VULOS BENZEMASkuadrat zbresin me të njëjtët lojtarë në pjesën e dytë dhe avantazhi minimal e detyronte Realin që të ishte i kujdesshëm për të mos bërë gabime. "Galaktikët" patën një rast të mirë me Benzemanë, por francezi gaboi këtë herë duke u ndalur nga ishshoku i tij, Diego Lopez. Skuadra e Zidanit nuk po e "vriste" dot ndeshjen dhe trajneri vendosi që
të ndryshonte diçka. Futet Modriç për Krosin, ndërsa Kasemiro tregohet i kujdesshëm dhe nuk ndëshkohet me të verdhë. Goli i sigurisë vjen 10 minuta nga fundi i ndeshjes, kur Benzema përfiton nga një gabim i rivalëve dhe këtë herë thyen Lopezin. Mendi u ndëshkua me të kuq pak minuta më vonë, por rezultati tashmë ishte i vendosur...