Moçka sfidon Laçin: Gati për t’i surprizuar, nuk janë aq të fortë

Flamurtari/ Flet portieri që ka fituar kupën me kurbinasit

Shpëtim Moçka kërkon fitoren përballë së shkuarës së tij. Në një intervistë për "Panorama Sport", vlonjati tha se kënaqet vetëm me tri pikët. E konsideron më të dobët këtë Laç, në krahasim me ekipin kur ka qenë vetë pjesë e tij, ndërsa thotë se duhet pasur kujdes Nuabueze.

Moçka, si jeni përgatitur për ndeshjen me Laçin?

Kemi pasur kohën e mjaftueshme, dy javë në dispozicion, për shkak të ndërprerjes së kampionatit prej tërmetit. Në Laç do të jetë ndeshje e fortë dhe shpresoj për një rezultat pozitiv.

Do të mjaftoheni edhe me një barazim?

Ne nuk e kemi shijuar fitoren këtë kampionat dhe do dëshironim të na vinte në këtë ndeshje. Por edhe barazimi nuk është rezultat i keq.

Kujt i druheni te kurbinasit?

Te Laçi ne nuk i druhemi askujt, por ata kanë një grup të mirë. Mendoj se pika e tyre më e fortë është Nuabueze, por edhe lojtarët e tjerë nuk janë të këqij. Përkundrazi, duhet të merren në konsideratë.

Po te Flamurtari, cila është

Mendoj se ne kemi lojtarë të mirë në përbërje, por nuk e kemi treguar ashtu siç duhet. Nuk mendoj se Flamurtari e ka këtë grup për të qëndruar në fund të tabelës së klasifikimit.

Çfarë nuk ka shkuar që jeni në këtë situatë?

Them se ka ndikuar fakti që ekipi u grumbullua me vonesë. Gjithashtu edhe problematikat e tjera, që na kanë bërë të jemi në këtë situatë. A keni shpresë se do të ndryshojë gjendja në të cilën ndodheni?

Patjetër që po. Unë jam besimplotë se situata do të ndryshojë. Edhe djemtë shpresojnë pasi Flamurtarit, këtij qyteti dhe këtij emri legjendar, nuk i takon që të jetë në këtë pozicion.

Keni qenë te Laçi para disa viteve, sa ndryshon ky ekip me atë? Atë vit kemi fituar Kupën e Shqipërisë, kam kujtime të bukura, por jam pjesë e Flamurtarit dhe bëj detyrën time. Shpresoj të dalim me fitore. Mendoj se grupi i atëhershëm ka qenë më i fortë se ky i tanishmi.

Ka pasur shumë kualitet në përbërje. Por edhe ky nuk është ekip i keq...

Riktheheni me ndonjë emocion të veçantë në Laç?

Jo, nuk kam ndonjë emocion. Unë bëj detyrën. Jam portier i Flamurtarit, i qytetit tim dhe shpresoj të dal me sukses nga kjo ndeshje.