"El Clasico" pa samba, Artur dhe Marselo nuk rikuperohen

Zidan ka dyshime, në mesfushë kthehet Kasemiro

Në "El Clasico"-n mes Barcelonës dhe Realit të Madridit do të mungojnë ritmet e sambës... Sepse, në fushën e lojës nuk do të jetë as Artur Melo dhe as Marselo. Në ekipin madrilen do të ketë të tjerë brazilianë, por mungesa e Marselos është shumë e rëndësishme për trajnerin Zinedin Zidan. Mbrojtësi veteran kishte tentuar të rikthehej për këtë ndeshje, por nuk ia ka dalë. Ditën e djeshme ai bëri një provë për të qenë në fushën e lojës, por Zizu duhet të bëjë pa Marselon. Favoriti për të luajtur në krahun e majtë është Mendi, i cili do të rikthehet nga pezullimi. Naço është një opsion i mirë duke parë që luajti kundër Valencias, por nuk dihet ende zyrtarisht. Pjesa tjetër e skuadrës nuk ka shumë ndryshime, pasi Ramos dhe Varan do të qëndrojnë në mbrojtje bashkë me Karvahalin nga krahu i djathtë. Kasemiro rikthehet titullar në mesfushë bashkë me Toni Krosin, por vendi tjetër mbetet i panjohur. Nuk dihet nëse do të luajë Modriç apo Valverde. Sulmi ka një të paprekshëm, Benzemanë,

ndërsa të tjerët do të tentojnë deri në momentin e fundit që t'i mbushin mendjen Zidanit.

Barcelona - Ernesto Valverde ka vetëm një mungesë kryesore. Bëhet fjalë për mesfushorin Artur Melo, i cili nuk do të rikuperohet për këtë sfidë. Megjithatë, Rakitiç ka qenë një zëvendësues ideal për brazilianin. Trajneri i Barcelonës ka më pak dilema sesa ai i Realit, pasi sulmi do të përbëhet nga Grizman-SuarezMesi, ndërsa mesfusha nga Buskets, De Jong dhe Vidal. Në mbrojtje mund të ketë ndryshime, me Umtitin që kërkon një fanellë titullari në qendër.