Skënderbeu Skënderbeu ‘peshkon’ ‘peshkon’ të të rinj rinj
Bregu, Dita e Jashanica trazojnë merkaton korçare, zbulohen prapaskenat
Skënderbeu bën dy af rimet e para në këtë hapësirë merkatoje, por për t'u zyrtarizuar gjithçka, fjalën e fundit do ta thotë vetë trajneri Ilir Daja. "Panorama Sport" zbulon ekskluzivisht se dy 20-vjeçarë kanë nisur stërvitjen me bardhekuqtë, teksa, sipas agjentëve me të cilët bashkëpunon klubi, bëhet fjalë për elementë shumë premtues, që gjithsesi duhet të bindin Dajën e më pas të firmosin zyrtarisht kontratën. Bëhet fjalë për Arianit Ajetin e lindur në Zvicër dhe Igli Dokon në Greqi. Të rinjtë me kombësi shqiptare vijnë pas eksperiencave me Luzernën dhe PAS Korinthosin. Ajeti është një qendërmbrojtës tipik, një pozicion ku Skënderbeu ka vuajtur në pjesën e parë të sezonit. Ndërsa Doko është mbrojtës i majtë, por që mund të përshtatet edhe në qendër.
Afrimet - Të dy futbollistët janë vënë menjëherë nën urdhrat e trajnerit Daja. Ajeti është me origjinë nga Kosova, por ka lindur në Horgen të Zvicrës. Prej dy vitesh është pjesë e ekipit të Luzernës U-21 që militon në kategorinë e katërt zvicerane. Te Skënderbeu do të kërkojë të afirmohet, ndërkohë që bëhet fjalë për një lojtar me një shtatlartësi për t'u admiruar (1.84 metra). Nga ana tjetër, Doko është formuar si futbollist në akademinë e klubit të famshëm grek, Panathinaikos. Pasi nuk mundi të zinte dot vend në ekipin e parë, mbrojtësi i majtë vazhdoi karrierën në Ligën e Tretë helene me ekipe si Ionikos dhe së fundmi PAS Korinthos. Ai është grumbulluar vazhdimisht edhe nga ekipet Kombëtare U-17 dhe U-19 të Shqipërisë.
Largimet - Nëse në hyrje lëvizjet e para janë duke u mby
llur, Skënderbeu ka një hall të madh me daljet nga ekipi. Janë të shumtë futbollistët që kanë dilemat e veta për sa i përket qëndrimit, por më "problematiku" mbetet Dejvi Bregu. Për lojtarin në fjalë, në momentet që flasim nuk ka më një ofertë joshëse dhe Skënderbeu është
në hall në lidhje me të ardhmen e tij, pasi nuk dihet si do të procedohet. Për më tepër që vlonjatit i mbaron kontrata në maj të këtij viti dhe rritet mundësia që të largohet me parametër zero nëse nuk arrihet një akord. Mirëpo, Skënderbeu ka shpenzuar për ta blerë nga
Luftëtari 100 mijë euro, kështu që nuk dëshiron të dalë duarbosh. Gjithashtu, një çështje që trazon për momentin klubin është edhe ajo e kapitenit Bruno Dita. Mësohet se ofertat në drejtim të tij janë të shumta. Më tunduese duket se është ajo e Shkëndijës së Tetovës, por nuk
mbetet pas as Teuta, që ka shprehur interesim së fundmi. Lojtari ka dilema, por është nën kontratë dhe për të vendos klubi. Ndërkohë, edhe Bajram Jashanica mund të mos kthehet të luajë futboll me fanellën e Skënderbeut, por një tjetër klubi. Kosovarit i përfundon dënimi në shkurt, ndërsa ofertat për të nuk mungojnë. Kukësi vazhdon të ngulmojë, por korçarët jo më kot kanë rinovuar kontratën me lojtarin. Gjithsesi, kjo nuk i pengon drejtuesit e Skënderbeut që në një rast oferte të parefuzueshme për Jashanicën, të vendosin për transferimin e tij.