Nuk humbi në shtëpi në 2019-ën, si Juvja vetëm Barça e Liverpuli
Juventusi përgatitet ta nisë vitin 2020 me një fitore, duke qenë se përballë Kaljarit janë statistikat që ia “detyrojnë” këtë, por në të njëjtën kohë për të mbrojtur edhe një pathyeshmëri që zgjati totalisht në vitin diellor 2019, në ndeshjet në shtëpi. Gjithsesi, më poshtë janë disa statistika dhe kuriozitete më shumë.
- Suksesi i fundit i Kaljarit në shtëpinë e Juventusit, në Serinë A, daton në nëntor të vitit 2009. Në 10 vitet që pasuan, shifrat flasin për 14 fitore bardhezi dhe 3 barazime.
- Kaljari ka fituar vetëm 2 nga 38 ndeshjet në Serinë A, në shtëpinë e bardhezinjve (14 fitore, 22 barazime), më e freskëta siç e thamë në nëntor 2009, kur në pankinën e sardëve ishte ulur pikërisht ish-juventini Masimiliano Alegri.
- Juventusi është një ndër tri skuadrat, së bashku me Liverpulin dhe Barcelonën, e cila nuk ka humbur asnjë ndeshje në shtëpi (duke llogaritur 5 ligat më të rëndësishme të Europës), në vitin diellor 2019, duke grumbulluar 13 fitore dhe 4 barazime. - Juventusi, në total, nuk njeh humbje në shtëpi, prej 29 takimesh radhazi në kampionat (24 fitore dhe 5 barazime, konkretisht nga 30 shtatori i vitit 2017.
- Juventusi e ka mbajtur portën të paprekur vetëm në 5 ndeshje të këtij kampionati. Ishte që prej sezonit 2010-2011, që nuk pësonin kaq shumë, pas vetëm 17 ndeshjesh në Serinë A.
- Kaljari ka shënuar të paktën një gol në 10 transfertat e fundit në Serinë A. Më shumë se kaq, sardët kanë mundur të bëjnë vetëm mes vitit 19931994, kur realizuan të paktën një gol në 13 transferta radhazi. - Nga fillimi i vitit 2010 e deri më sot, Juventusi ka pësuar 0.8 gola për ndeshje në Serinë A. Asnjë ekip tjetër, përjashtuar vitin 1929, nuk ka bërë më mirë në mbrojtje brenda një dekade.
- Kristiano Ronaldo ka shënuar në katër ndeshjet e fundit radhazi në kampionat, por në epokën e tij juventine nuk e ka gjetur golin kurrë në pesë sfida radhazi, në Serinë A. - Mbrojtësi i Juventusit, Leonardo Bonuçi, ka luajtur 28 mijë e 648 minuta në dekadën e sapombyllur. Vetëm Lionel Mesi me 28.846 ka bërë më mirë në pesë ligat kryesore të Europës, sesa juventini.