Liverpuli nuk ka rivalë, Siti eliminon Junajtidin

41 ndeshje pa humbje, Pep nuk ka qenë kurrë kaq pas

"Ne do ta fitojmë këtë kampionat. Tani do na besoni". Janë koret e tifozëve të Liverpulit në Londër, ndërsa "Reds"-at hipotekonin triumfin e 23-të këtë kampionat, atë që i shkëputi në 19 pikë nga Mançester Siti i vendit të dytë. Skuadra e Jyrgen Klopit mund edhe Uest Hemin, në ndeshjen e prapambetur të Premier Ligës që prej dhjetorit dhe Pep Guardiola tani mund të ngushëllohet vetëm me finalen e Kupës së Ligës në "Wembley" më 1 mars.

NDESHJA - Rezistoi pak më shumë se gjysmë ore Uest Hemi kundër dominuesve të Premier Ligës. Një faull i Diopit ndaj Origit në zonë zhbllokoi ndeshjen në minutën e 35-të, kur Salah nuk gaboi nga pika e bardhë. Në fillim të pjesës së dytë vjen edhe goli

i dytë i Çembërlein pas një kundërsulmi të shpejtë të miqve dhe asistit perfekt të sulmuesit egjiptian (që prej nisjes së sezonit 2017-2018, Mohamed Salah ka shënuar dhe asistuar brenda së njëjtës ndeshje në Premier Ligë në 14 raste, pesë më shumë se çdo

futbollist tjetër gjatë kësaj periudhe). Skuadra e Dejvid Mojesit nuk qëndroi pasive dhe pati rastet e saj për të shkurtuar diferencën. Por përballë ka një skuadër që nuk është e përgatitur psikologjikisht për të lënë diçka pas, e lë as më shumë e as më pak

Sitin një humnerë pikësh larg (Pep Guardiola nuk ka qenë kurrë më parë në karrierë kaq larg vendit të parë). "Reds"at thyen edhe një tjetër rekord: për herë të parë në historinë e tyre në elitën e kampionatit anglez ata kanë mposhtur çdo skuadër me të

cilën janë përballur në Premier Ligë këtë sezon (19). Tani kampionët e botës nuk mposhten prej 41 ndeshjesh në kampionat. Kjo humbje i lë "Çekiçët" në vend të 17-të, mbi Bornmëthin dhe Uotfordin, vetëm falë diferencës së golave.

ÇEMBËRLEIN - "Nuk duhet të na kapë euforia. Kemi mbërritur kaq larg duke qenë me këmbë në tokë. Do t'i respektojmë të gjithë kundërshtarët që do të kemi përballë dhe do përpiqemi të marrim fitoret", tha Çembërlein pas fitores.