Mbushet kupa, djali i Lerdës: Partizani s’është Reali
Besëlidhja fundos "demat", i biri i ish-trajnerit: Disa aty duan vetëm paratë e Gazit
Besëlidhja i bën "gjëmën" Partizanit në Lezhë, duke i dhënë një leksion futbolli me tre gola që në pjesën e parë. Skuadra e trajnerit Elvis Plori i ka befasuar të gjithë dje me një fitore të jashtëzakonshme në shifrat 30, duke hedhur një hap gjigant drejt kualifikimit në turin çerekfinal të Kupës së Shqipërisë. Afro katër...
Besëlidhja i bën "gjëmën" Partizanit në Lezhë, duke i dhënë një leksion futbolli me tre gola që në pjesën e parë. Skuadra e trajnerit Elvis Plori i ka befasuar të gjithë dje me një fitore të jashtëzakonshme në shifrat 3-0, duke hedhur një hap gjigant drejt kualifikimit në turin çerekfinal të Kupës së Shqipërisë. Afro katër vite më parë Besëlidhja eliminonte Partizanin në turin e dytë dhe tashmë duket se po përsëritet historia, edhe pse mbetet për t'u zhvilluar ndeshja e kthimit në kryeqytet pas dy javësh. Ka qenë një paraqitje në nivele katastrofike e të kuqve, të cilët shëtitën fanellën në Lezhë, madje duke rrezikuar të pësojnë më shumë se tre gola. Besëlidhja luajti një futboll të thjeshtë dhe e goditi Partizanin përmes kundërsulmeve. Të kuqtë e kishin marrë më thjesht se duhet dhe pavarësisht se e nisën lojën me një rast për gol, më pas shumë shpejt e panë veten të gjunjëzuar nga skuadra e Kategorisë së Parë. Tashmë "demave" u duhet një mrekulli në sfidën e kthimit, pra një fitore me katër gola diferencë për të shkuar në çerekfinale, aty ku nëse ia dalin, do të gjejnë rivalin historik, Tiranën.
PJESA E PARË
Partizani kishte lënë pushim kapitenin Hoxha, mbrojtësit e krahut Hakaj dhe Kërçiku, si dhe sulmuesin Solomon. Mirëpo, kishte rikthime të rëndësishme, si Boldor, Melo, Telushi, Broja dhe Romero, me këtë të fundit që dje u preferua si titullar. Risi në formacion ishte prania e blerjes më të fundit, mesfushorit Tedi Cara, i cili debutoi me fanellën e kuqe në Lezhë, duke qenë në fushë për 90 minuta. Starti i lojës i gjeti "demat" në sulm, me Carën që pas kombinimit të Bardhit, goditi nga brenda zonës dhe portieri Vukashinoviç evitoi një gol të sigurt. Më pas ishte Trashi që harkoi në zonë pas një goditjeje dënimi, por Broja në një pozicion të mirë shënimi, e përplasi topin në trupin e portierit. Historia e takimit për të kuqtë sikur mbaron këtu, pasi më pas Besëlidhja e godet tri herë. Fillimisht është Bushi që i lë "targën" Idrizajt në zonë dhe shënon pas goditjes me të majtën. Dyshja e qendrës së mbrojtjes me Bilanin dhe Boldor është në një ditë të errët, duke lënë shumë hapësira. Pikërisht në "zemër" të mbrojtjes, të kuqtë e pësojnë pas një kundërsulmi të Besëlidhjes, kur Hajdari nxjerr të lirë Jovanoviç dhe ky i fundit mposht Malajn. Te Partizani nuk u be
sojnë syve, por sërish rastet për gol i takojnë Besëlidhjes. Hajdari dhe Çokiç paralajmërojnë golin e tretë, që në fakt nuk vonon shumë. Shkodrani që ka luajtur disa vite për Vllazninë bën çfarë të dojë me kundërshtarët dhe pas harkimit në zonë, Fetaj gjunjëzon Malajn. Vetëm
një goditje e Trashit në fund ishte shumë pak për "demat".
PJESA E DYTË
Sormani nuk mund ta përtypte atë paraqitje, prandaj dhe la në dhomat e zhveshjes Bilalin, Romeron dhe Bardhin. Sulmi i Partizanit ishte inekzistent, ndërsa gabimet në
mbrojtje të panumërta. Aktivizohen Bitri, Ferati dhe Braun, teksa mendohet një reagim i fuqishëm i të kuqve, por nuk ndodh kështu. Në minutën e 52-të Trashi kroson në zonë dhe Braun kontrollon mirë topin, por goditja e tij pritet nga portieri. Besëlidhja mbrohet
mirë me Shetën dhe Dibrën, që mbajnë larg zonës të kuqtë. Melo provon nga distanca për të gjetur golin, por
Vukashinoviç pret i sigurt. Rasti më i pastër për Partizanin vjen në minutën e 81-të, kur Braun del i vetëm me portierin pas asistit të Brojës, por goditja e tij me të majtën kalon ngjitur me shtyllën. Besëlidhja i afrohet golit të katërt me kapitenin Dibra, ndërsa tentativat e Brojës dhe Telushit në fund nuk sjellin asnjë ndryshim. Gjithçka mbyllet me fitoren e merituar të Besëlidhjes, 3-0.