Teuta, Teuta, tripletë tripletë për për 100-vjetor 100-vjetor
Kallaku hap siparin, Gomez e Gruda mbyllin llogaritë. Premtohet trofe
Teuta ka festuar me fi tore 100-vjetorin e themelimit. 3 gola në ndeshjen e parë të Kupës së Shqipërisë në transfertë përballë Erzenit kanë bërë që durrsakët të mund të hedhin një hap drejt turit tjetër të këtij kompeticioni, që pas synimeve në kampionat, ka rëndësi për të besuarit e Martinit. Kallaku me penallti dhe Gomes e Gruda u kanë dhënë durrsakëve një fitore me rezultat të favorshëm, ndërsa goli i Rezit për vendësit e mban Erzenin ende me shpresa për turin e tretë.
- Teuta dje ka pasur ditën jubile të themelimit të saj. Me një postim në faqen zyrtare, klubi ka uruar mbështetësit për përvjetorin e 100-të të themelimit. "29 janar 1920-29 janar 2020. Vitet kalojnë dhe klubi i futbollit Teuta mbush sot (dje) 100 vjet. Një shekull histori, lavdi, pasion e trofe nën ngjyrat blu. GËZUAR 100-VJETORIN KF TEUTA! Kjo është një dhuratë e vogël (video nga titulli i fundit kampion) për tifozët për këtë ditëlindje. Ju themi e vogël, pasi të madhen mendojmë t'ua japim në fund të sezonit me trofe", ka shkruar klubi në faqen zyrtare në "Facebook".
100-VJETORI
- Trajneri Edi Martini ka zgjedhur rrotacionin në këtë përballje, duke aktivizuar disa lojtarë që nuk
PJESA E PARË
kanë marrë minuta në kampionat dhe paraqitja e tyre ka qenë mjaft e mirë. Teuta e ka kontrolluar ndeshjen që nga fillimi. Shansin e parë e ka shpërdoruar Hebaj me një gjuajtje përballë portierit, por Vata është treguar i saktë duke ndalur futbollistin e durrsakëve që në minutën e tretë. Pas disa tentativash të Teutës, Xhixhiua tenton surprizën, por Celeski është treguar i vëmendshëm duke
grushtuar tentativën nga brenda zonës. Në të 28-ën, Vata konfirmohet si pengesa kryesore për ekipin durrsak. Këtë herë, përballë ka Lorenco Vilën, i cili gjuan pas një harkimi nga këndi, por portieri vendës përgjigjet me një pritje të bukur. Dy minuta më vonë, është porta e Teutës që shpëton për mrekulli. Një pasim i Troplinit gjen Lajthinë në pozicionin e duhur, i cili gjuan fuqishëm, por sfera përplaset
në traversë. Deri në të 42-tën minutë, është radha e vendësve që të ushtrojnë presion. Në fillim Xhixhiua e çon sferën ngjitur me shtyllën me një goditje nga brenda zonës dhe më pas Rezi që tenton, por portieri Celeski është në pozicionin e duhur. Me nga një tentativë respektive, mbyllet pjesa e parë në barazim pa gola, 0-0.
- Çyrbja e Kallaku janë dy lëvizjet e para
PJESA E DYTË
të trajnerit Martini, ndërsa vendësit hedhin në fushë Ramilin për Gecajn. Teksa kronometrohet e 53-ta minutë, ka penallti për Teutën. Kallaku asiston për Çyrben, pikërisht dyshja e sapofutur në lojë bën që ky i fundit të pengohet brenda zonës dhe të vërshëllehet 11-metërsh. Kallaku merr përsipër ekzekutimin dhe shënon, 0-1. Në të 57-ën, një goditje dënimi e ekzekutuar nga Avdyli gjen Vatën të pozicionuar që grushton bukur dhe shpëton portën. Në minutën e 73-të, pas fitimit të penalltisë, Çyrbja bën edhe asistmenin. Këtë herë, pasimi i tij i fundit nxjerr në pozicion të volitshëm Grudën i cili gjuan dhe e kalon sferën poshtë këmbëve të Vatës, por në centimetrat e fundit, Gomez godet drejt portës, për 0-2. Vendësit nuk dorëzohen dhe reagojnë në të 77-ën, me anë të Rezit që gjuan fuqishëm, por Celeski grushton bukur. Miqtë nga Durrësi kërkojnë të finalizojnë këtë ndeshje me një gol sigurie. Në të 82-tën, Gruda shkarkon të majtën dhe trefishon, 0-3. Kur duket se llogaritë u mbyllën, Erzeni përgjigjet vetëm dy minuta më vonë me Rezin, i cili nga rreth 25 metra gjuan bukur dhe shënon golin e nderit apo mbase edhe të shpresës për 13. Teuta e mbyll me fitore përballjen e parë të turit të dytë të Kupës së Shqipërisë, duke hedhur një hap drejt kualifikimit për më tej.