Hija e Alegrit nis ta përndjekë, Sarri është me... vonesë
61-vjeçari, mbledhje urgjente pas humbjes me Napolin
Sarri ka shumë pak gjëra për të qenë i lum tur. Po, sigurisht, Juventusi udhëheq kampionatin me tri pikë avantazh ndaj Interit dhe pesë mbi Lacion (që ka “xholin” e rikuperimit të sfidës kundër Veronës për t’u afruar akoma më shumë), është në gjysmëfinalet e Kupës së Italisë dhe ka fituar grupin e Ligës së Kampionëve duke siguruar 1/8-at dy ndeshje më herët si i pamposhtur dhe duke barazuar rekordin e pikëve (16) të arritur vetëm nga Marçelo Lipi (1996-1997) dhe Fabio Kapelo (2004-2005). Megjithatë, krahasimi me kampionatin e kaluar nxjerr në pah që Juventusi i “komandantit” Sarri është me vonesë në shumë aspekte krahasuar me atë të Masimiliano Alegrit. Asgjë dramatike, natyrisht, duke konsideruar pikërisht rezultatet deri tani të arritura. Bëhet fjalë vetëm për të dhëna që faktikisht dëshmojnë faktin që tranzicioni drejt “sarrizmit” është ende në punim dhe më i gjatë nga se parashikohej.
MË PAK PIKË – Kryesuesi, mbi të gjitha, ka tetë pikë më pak krahasuar me vitin e kaluar: 51 sot, 59 atëherë. Juventusi i Alegrit
kishte qenë deri tani një “rul”. I pamposhtur (19 fitore dhe 2 barazime) e me një mesatare pikësh rekord prej 2,81 për ndeshje siç kurrë më parë nuk ishte regjistruar. Juvja e Sarrit drejton klasifikimin me 2,43 pikë për ndeshje, si versioni i Alegrit i sezonit 2016-’17 (që kishte 17 fitore, 0 barazime dhe 4 humbje) dhe, ne të
kundërt të atyre që e kishin paraprirë, ka humbur 2 ndeshje. Përveçse trofeu i parë sezonal, pra Superkupa italiane që një vit më parë përfundoi në sallën e kupave të “JMuseum”. Sarri, për më tepër, ka koleksionuar deri tani 3 fitore më pak krahasuar me Alegrin (16 kundër 19). Filozofia tepër sulmuese e trajnerit po bind,
megjithëse nuk është përvetësuar ende tërësisht.
SULMI DHE MBROJTJA – Aq sa, pavarësisht prirjes për të sulmuar dhe potencialit të madh të repartit të avancuar, Juventusi i Sarrit ka shënuar 3 gola më pak se ai i Alegrit (43 kundër 43) dhe ka si shënues pesë lojtarë më pak (10 kundër 15). Mungojnë në apel, për
shembull, Duglas Kosta, Bernardeski, Kuadrado, Bentankur, Matuidi, që kanë shënuar në kompeticionet e tjera. Më pas qëndron çështja e mbrojtjes: 9 gola të pësuar më shumë, 21 kundër 12, mesatarisht një për ndeshje. Tani data e fiksuar është 1 marsi, ajo e përballjes direkte me Interin dhe kalendari i bardhezinjve duket,
së paku në letër, më i lehtë se i zikaltërve: Fiorentina, Verona, Bresha e SPAL-i për Sarrin; Udineze, Milani, Lacio e Sampdoria për Konten. Nevojitet një kthesë për të rregulluar trendin e shumë statistikave, por mbi të gjitha për të ecur në maksimum.
MBLEDHJE URGJENTE - Por ndoshta jo duke u nisur nga shifrat në rënie kundrejt një sezoni më parë që Juventusi ka shfaqur pas largimit nga stoli i Masimiliano Alegrit, por sigurisht nga humbja e fundit në Napoli, trajneri Mauricio Sarri ka kërkuar një mbledhje me të gjithë skuadrën. Të gjithë sy më sy, për diçka më shumë se 25 minuta përpara fillimit të seancës, ku “shefi i madh” ka reaguar me tone jo të ashpra, por mirëkuptuese për reagimin e vakët në Napoli. Ndoshta, shtyrë edhe nga nervozizmi i shfaqur nga Kristiano Ronaldo, që kërkon gjithmonë e më shumë nga shokët e tij, edhe Sarri ka kërkuar të kuptojë më qartë se çfarë ndodh dhe pse ndodh në mënyrë të përsëritur, që skuadra të mos ketë shumë dëshirë për të luftuar. Përgjigjet janë dhënë sy më sy dhe stërvitja ka nisur me premtimin se ndaj Fiorentinës, të dielën në mesditë, do të vijë reagimi i duhur.