Besa dhe Apolonia godasin në fund
Një përforcim me shumë vlera për trajnerin Magani, i cili tashmë ka shumë alternativa
Apolonia ka realizuar një goditje të mirë ditën e fundit të merkatos dimërore, duke bërë pjesë të saj sulmuesin Efiong Ejoh. Gjatë dy sezoneve të fundit fierakët kanë pasur interes të vazhdueshëm për 23vjeçarin nigerian, që ka një përvojë të konsiderueshme në futbollin shqiptar. Ai ka luajtur për...
Një nga lëvizjet më të bujshme të Kate gorisë së Parë në këtë merkato dimri është ajo që ka bërë dje skuadra kavajase. Besa ka marrë në formë huazimi sulmuesin brazilian Lukas Kardozo, një lajm i zbuluar ekskluzivisht nga gazeta “Panorama Sport”. Klubet e Besës dhe Partizanit, që ka kartonin e sulmuesit, kanë arritur marrëveshjen për huazimin e lojtarit të paktën deri në fund të këtij kampionati. Kardozo rikthehet kështu në kampionatin shqiptar pas huazimit te Drita e Gjilanit në Kosovë. Për të nuk kishte hapësirë te të kuqtë dhe është parë e udhës që të kalojë te Besa, ndoshta si pjesë e marrëveshjes për blerjen e sulmuesit Tedi Cara nga Partizani. Po ashtu, kavajasit kanë marrë nga Partizani edhe sulmuesin tjetër Dionis Çikani, edhe ai në formë huazimi. Kardozo u shpall kampion sezonin e fundit me Partizanin në Superiore. Në fakt, ai pësoi një dëmtim të rëndë dhe bëri një ndërhyrje kirurgjikale dhe sezonin që shkoi luajti pak, pasi u rehabilitua. Trajneri Sormani, me sa duket, nuk e ka pasur në plane dhe drejtuesit e kanë gjetur menjëherë zgjidhjen, duke i bërë kështu një “nder” edhe Besës, që afron një lojtar me kualitet. Sulmi i Besës, edhe pas largimit të Carës, pritet të jetë rezultativ me lëvizjet e fundit, veçanërisht me brazilianin Kardozo.
MERKATO TOP – Besa i ka befasuar të gjithë me merkaton që ka bërë në muajin janar, duke afruar shumë futbollistë. Kavajasit besojnë shumë
për ngjitjen në Superiore dhe jo më kot kanë përforcuar të tria repartet. Njëkohësisht, drejtuesit e Besës kanë marrë lojtarë të rinj, që në të ardhmen mund të shiten, pasi të afirmohen me fanellën verdhezi. Trajneri Magani tashmë ka më shumë alternativa në
çdo repart. Mbrojtja është forcuar me Ajazin, mbrojtja me Vathin dhe Muçën, mesfusha me Lilën, Isajin dhe sulmi me Lamçen, Çikanin dhe Kardozon. Sot Besa luan me Ilirinë në Pezë-Helmës dhe pritet fitorja e radhës, pas asaj në Cërrik me Turbinën.