Juvja fiton me dy penallti, Fiore akuzon arbitrat
Portugezi shënoi 50 gola me fanellën bardhezi
Rekord pas rekordi. Kristiano Ronaldo vazhdon t'i befasojë të gjithë dhe të shkruajë faqe të historisë së futbollit. Me penalltitë e shënuara kundër Fiorentinës, ylli portugez ka barazuar rekordin e një tjetër lojtari të rëndësishëm në kampin bardhezi. Ai ka arritur të shënojë në 9 ndeshje radhazi në kampionatin italian, pikërisht si David Trezege, që e bënte diçka të tillë në dhjetorin e vitit 2005. Vetë klubi i Juventusit e njoftoi diçka të tillë përmes rrjeteve sociale. "Kristiano Ronaldo është lojtari i parë i Juventusit që ka shënuar gol në 9 ndeshje radhazi në Serinë A, që nga koha kur diçka të tillë e bënte Trezege", shkruhet në njoftimin e "Zonjës".
50 gola- Ronaldo e barazoi këtë rekord me penalltinë e parë në minutën e 40-të të ndeshjes, ndërsa në të dytën kapi një tjetër shifër të rëndësishme. Ishte goli i 50-të me fanellën bardhezi. Në një vit e gjysmë ai ka arritur që të shënojë 50 gola dhe të bëhet një nga lojtarët që e arrin më shpejt këtë shifër me kampionët e Italisë. Kristiano Ronaldo nuk i ka fshehur emocionet për këtë arritje, por mbi të gjitha për fitoren e Juventusit kundër Fiorentinës. "Është bukur të rikthehesh te fitorja në stadiumin tonë. Jam krenar që kam shënuar 50 gola me fanellën bardhezi", ka shkruar
Ronaldo. Portugezi është lideri i kësaj skuadre dhe po i udhëheq ata edhe në momentet më të vështira. Por këto nuk ishin rekordet e vetme të portugezit në mesditën e djeshme kundër Fiorentinës. Për Ronaldon kjo ishte ndeshja e 50-të në Serinë A me fanellën bardhezi dhe ka kontribuuar në 50 gola për ekipin e Ju
ventusit me 40 gola dhe 10 asiste. Pas një periudhe pushimi në muajin nëntor-dhjetor, Ronaldo është rikthyer më i frikshëm se kurrë. Ta mendosh që të mërkurën do të festojë 35-vjetorin e lindjes, por mosha për të është thjesht një numër. Duket si një djalosh që argëtohet sa herë zbret në fushën e lojës.