NOTAT E JUVES
SHEZNI 6.5 - Bën mrekullinë ndaj një goditjeje me thembër të Kiezës dhe një tjetër pritjeje super ndaj Lirolas. Gjithmonë i vëmendshëm.
KUADRADO 6.5 - Luan shumë ofensiv, duke ndihmuar dhe qëndruar gjithmonë pranë Duglas Kostës në të djathtë. Rrezik konstant për Fiorentinën.
DE LIGT 7.5 - Goli ishte shpërblimi i duhur për paraqitjen e tij perfekte në mbrojtje. Ndalon disa nisje të rrezikshme të Kiezës dhe shpërndan lojën me saktësi. Konfirmohet një bomber në lojën në ajër, por mbi të gjitha ka gjetur vazhdimësinë e paraqitjeve pozitive.
BONUÇI 6.5 - Frenon me mjeshtëri Kiezën në fushë të hapur. Gjithmonë i sigurt dhe në kontroll të situatës.
SANDRO 6 - I bllokuar në korsinë e tij dhe në pjesën e parë mendon vetëm të mbrojë. Në fraksionin e dytë duket më shpesh në sulm dhe lëshon disa krosime të rrezikshme.
BENTANKUR 6.5 - Sërish në vitrinën e ndeshjes. Luan saktë me të parën, kërkon shpesh thellësinë e zonës rivale dhe fiton penalltinë e dytë. I pazëvendësueshëm në Juventusin aktual.
PJANIÇ 6 - Nga një goditje e tij lind avantazhi i Juves, me penallti, pasi Pezela e ndalon me puls topin. Për cilësitë që ka, gabon shumë topa, të cilët rrezikojnë tepër mbrojtjen e Juves. I shpërqendruar!
RABIO 7 - I paparashikueshëm dhe kurajoz, dëshirë për të treguar sa vlen. Ofron intensitet, provon goditjen, këmbëngul në driblim. Në rritje progresive. Në të 88-ën Matuidi (pa notë). KOSTA 6.5 - Ofron disa shkëndija dhe intuita nuk i mungon. Shpërthen në korsinë e djathtë dhe i dhuron një asist fantastik Higuainit. Po gjen formën e tij dhe ka dëshirë që të bjerë në sy. Në të 83-ën Bernardeski (pa notë).
HIGUAIN 6 - Shumë i lëvizshëm, por Dragovski me një refleks të pabesueshëm i mohon golin në pjesën e dytë. Nuk shënon, por as nuk zhgënjen. Në të 67-ën
Dibala (nota 6.5) zbret në fushë me dëshirën për të thyer botën. Vrapon si i çmendur deri në mbrojtje, për të rikuperuar edhe dy topa dhe pikturon kornerinasist për golin e De Ligtit. Vështirë ta lësh jashtë një si ai në këtë moment.
RONALDO 7 - I akullt nga pika e bardhë. E nënta ndeshje që gjen golin. Arrin kuotën 50 gola me Juven në të gjitha kompeticionet dhe bën 19 në Serinë A. Prezent kudo dhe kurdo. CR7-ta i formatit "Real"!
Trajneri SARRI 6.5 - Juvja nuk është ende mahnitëse, sidomos në pjesën e parë, por është cinike dhe shfrytëzon çdo rast që i paraqitet. Kundër Fiorentinës mjaftonte edhe kaq.